Page 21 - AHATA_Neat

DIARIO a insisti riba presentacion di berdad cu dia Prome di September 2020 a keda
presenta na mundo durante un encuentro di e presidente di e Comision di Supervision
Hulandes na e “Genootschap Nederland-Aruba”.

Den su presentacion, Prof. Dr. R.H,S.M. Gradus , kende ta Presidente di e comision di
supervision CAft a entrega e berdad financiero y economico di Aruba na e asociacion.

Awe como prueba cu DIARIO a presenta berdad na pueblo di Aruba, DIARIO ta ofrece e

resumen di e presentacion cu grafico cu el a presenta durante su charla.

Gradus a mustra cu Aruba tabata den un situacion financiero y economico hopi serio
prome cu e Covid-19 a bati na porta y a causa impacto tambe na e forma cu e pais a

cuminsa confronta e futuro sumamente dificil pa pueblo di Aruba a base di medidanan
cu a wordo tuma for di 2018.

Gradus directamente a trece dilanti con e periodo 2009-2014 a suta e presente y futuro

di Aruba y a haci cu na 2014 Hulanda a bati na porta di Aruba y a exigi cambio.

DIARIO semper a trece dilanti cu for di 2014 Hulanda a desenmascara e mal maneho
financiero cu gobierno Mike Eman a hiba na Aruba for di 2009, ora Mike Eman a gana

eleccion a base di su promesa cu e lo baha BBO cu mita y pa haci esaki a baha e
entrada di Aruba y na mes momento cuminsa cu e maneho di creacion di debe.

Mientras e debe nacional, cu e peso di interes tabata crece pa Aruba na momento di un

crisis mundial cu a haci Valero cera refineria, tabata destructivo pa e pais, a introduci
tambe e proyectonan PPS sin bon preparacion y administracion.

DIARIO a uza e rapport di Bo Aruba pa mustra cu autoridad mester investiga loke a

sosode cu placa di pueblo durante gobernacion Mike Eman cu a stroba pueblo di mira e
realidad di e maneho cu Gabinete Mike Eman a hiba.

Awe Gradus ta splica cu e hecho cu Aruba mester paga e debe nacional y e interes

halto cu ta mara na esaki, mescos cu sumanan enorme, ta haci cu Aruba mester corta
den gastonan di personal di gobierno, mantencion di edificionan y infrastructura, pero
tambe den e sumanan cu Aruba tin pa siguridad social y cuido.