Page 40 - HOH

Un peticion a wordo haci tambe na e minister pa e bay Staten pa un asina yama
‘Vragenuur’, pa e parlamentarionan haya un tiki mas informacion.

“Nos kier sa entre otro kico ta e pasonan cu Gobierno ta tumando pa atende cu e topico

aki”.

“Esaki ta meramente pa nos tin un claridad riba esaki”, segun Maduro.

“Motibo tambe di con nos a haci cierto pregunta ta relaciona cu e International Health
Regulation (IHR) cu ta e regulacionnan cu mester tin pa cumpli cu World Health
Organization (WHO), cu ta algo cu hopi aña caba nan ta trahando riba dje”.

Esaki segun e Parlamentario, kende a indica cu for di aña 2015 Hulanda, St. Maarten y
Corsow a traha riba un acuerdo, unda cu cada un die paisnan aki lo tin nan
regulacionnan pa cu esaki.

Pregunta ta con leu esaki ta.

“Nos ta haya importante pa trece dilanti cu ora tin bon informacion, hende por tin
trankilidad di sa kico exactamente un Gobierno ta haciendo”, segun e lider di fraccion.

El a splica cu esaki ta e di 7 tipo di Coronavirus cu nos conoce desde aña 1960 y cu tur
tipo ta traha na un forma diferente.

“Ainda tin puntonan pa cu e virus aki cu nos ta studia”.

“Bo ta wak cu e diferente organizacionnan rond di mundo ta studia con e virus ta
comporta, pa nos wak con grandi e efecto cu e ta bay tin ta bay ta”, segun Maduro,

kende a bisa cu ta hopi importante pa pone hopi enfasis riba prevencion di contagio.

https://www.diario.aw/2020/02/ora-cu-bon-informacion-wordo-duna-pueblo-por-tin-trankilidad/