Page 36 - HOH
P. 36
Diaranson mainta a haya diferente mensahe y comentario cu tin un caso di coronavirus na
Aruba, sinembargo esaki a wordo totalmente desmenti pa Salubridad Publico. Y ta
lamenta masha hopi rumornan asina aki.
Tabata diadomingo ultimo cu a bati alarma innecesario pasobra 4 persona di nacionalidad
Hulandes, pero di descendencia Asiatico cu a yega Aruba procedente for di China.
Pa e asunto ta bon cla, e relacionista publico a splica cu e personanan en cuestion a yega
Aruba sin ningun sintoma. A confirma cu nan tabata na China, pero no na un of otro
ciudad cu caso di coronavirus.
Tambe ta berdad cu no a test e hendenan aki na momento cu nan a yega Aruba, pero esey
tabata pasobra nan no tabata presenta ningun sintoma, no tabata sinti malo y por lo tanto
no ta cay bou e criterio di World Health Organization (WHO). Nan no tabata cay of
wordo mira como caso sospechoso pa cual no tin motibo pa test nan.
Ta trata di un grupo di famia, cu ta cooperando cu Departamento di Salubridad Publico y
ta na cas. Nan no ta sali den comunidad. Tres biaha pa dia personal califica di seccion di
