Page 33 - HOH

MEP Ta Proponiendo Un Comision Di Experto Pa

Wak Con Por Baha Gasto Di Operacion Di AZV, Ya

Cu Gobierno No Por Sigui Carga Esaki Mas

 Politica
- 05/02/2020

Fraccion di MEP den Parlamento por medio di su miembro Endy Croes a splica cu nan ta
avansando pa cu e cuestion di AZV. Ta basta tempo caba nan ta trahando riba esaki
p’asina logra pone tur nanishi den mesun direccion pa duna AZV un atencion real.

AZV su gastonan a crece enorme ultimo 10 añanan y si no haci nada esaki lo crea un
problema unda AZV por crash den futuro.

Si tuma como ehempel na 2009 e costonan total di cuido medico tabata 319 miyon,
mientras beheerskosten tabata rond di 17 miyon pa un total di 336 miyon. Si nos mira
cifranan di 2018 e costonan di cuido medico a aumenta pa 428 miyon, mientras e
beheerskosten a alcansa 18 miyon pa un total di 446 miyon.

Ta trata un aumento di 110 miyon den ultimo 10 añanan cual ta igual na 33% y pues un
crecemento structural di 3.3% pa aña.

Si extrapoleer e tendencia aki p’e proximo 4 añanan e costo di operacion lo aumenta cu
13.2% y lo surpasa un operacion di 500 miyon pa aña.