Page 37 - HOH
P. 37
Malesanan Infeccioso ta bishita e famia pa control di nan salud y for di diadomingo pa
awo, tur cos ta mustra bon.
Pues, e pueblo no tin motibo di preocupacion
INTERNACIONAL
Mientrastanto internacionalmente tin e informa cu un ekipo di dokter Chines a confirma
nacemento di un baby cu coronavirus.
Mama di e recien naci a wordo diagnostica cu e virus, pa cual e caso aki ta aumenta e
posibilidad cu esaki por pega den utero, segun a keda raporta pa un coresponsabel di
BBC na e pais Asiatico.
E signonan vital di e baby ta stabiel, y su unico problema ta dificultad pa hala rosea. Tin
un otro caso di un baby cu a nace saludabel, dia 13 di januari, y a cuminsa mustra
sintomanan dia 29 di juli. Su tata y e nanny di dje tabatin coronavirus.
Coronavirus a causa 490 morto caba na China y te cu dia 5 di februari, tin 24.300 caso
confirma. E ta inclui 4.000 infeccion nobo y 65 morto registra diamars.
SINTOMANAN
Tin hopi problema pa identifica e sintomanan. Esakinan ta depende di e tipo di
coronavirus y di e gravedad di e infeccion. Si tin infeccion di e sistema respiratorio ariba
leve te modera, manera un griep comun, e indicacionnan por inclui: un griep comun, y e
sintomanan por inclui: nanishi ta core, dolor di cabes, tosamento, dolor di garganta,
keintura.
