Page 34 - HOH
P. 34
Pa ley aworaki Gobierno ta mara cu Gobierno mester contribui cu un landsbijdrage pa tur
deficit of buraconan financiero cu por existi den AZV. Esaki no ta husto y Aruba no lo
por carg’e mas.
P’e motibonan aki fraccion di MEP a manda un carta pa Minister Danqui Oduber cu
copia pa Minister President, Evelyn Wever Croes pidiendo pa forma un comision e luna
aki, kendenan na nan turno mester bin cu diferente recomendacion pa Minister y p’asina
trece cambionan kisas grandi, pero necesario den e ley di AZV.
MEP su fraccion a propone 5 nomber di experto riba e tereno aki, pero semper Minister
ta esun cu na final por scoge entre nan y agrega mas experto manera hurista, etc., den
dicho comision.
Fraccion di MEP lo keda enfoca e prome kwartaal aki fuertemente pa mira e proyecto aki
cana y lo duna tur nan contribucion na ideanan nobo y sostenibel pa garantisa futuro di
AZV.
