Page 71 - MIN VOS

Vocero di AZV, Solange Tchong, a splica cu aseguradonan cu ta inscribi bao di
Hugo van Trigt, lo haya un carta na su cas, pa avisa cu e traspaso automatico lo
tuma luga y avisa na cua dentista e ta wordo inscribi awor aki. Ta un trayecto

cu a haci hunto cu dentista van Trigt, como cu e tin hopi aña ta traha pa e
aseguradonan di AZV. A dicidi pa brinda su oportunidad pa e tambe duna su

opinion, dus wak con ta bay dividi e grupo grandi aki di asegurado. Mas cu
claro, door cu ta un grupo grandi, kier haci’e na un otro forma, unda ta brinda e

oportunidad pa cada un di e otro dentistanan por haya un parti di e grupo aki.
Loke a haci ta, cu nan a saca carta na unda cu a avisa. E prome grupo cu lo

ricibi carta ta 4000 asegurado cu ta bay pasa entrante 1 di October pa dentista
Aldrick Hunt. Esey ta e prome grupo. Dentista Aldrick Hunt ta traha actualmente
na Vega Dental Clinic na Dakota y esaki ta e prome grupo cu ta bay haya un

carta cu nan traspaso ta tuma luga entrante 1 di October, 2017.
E siguiente grupo cu tin, cu tambe ta bay wordo traspasa ta esun di dentista

Hugo van Trigt pa su yiu kende tambe ta finalisanto pa bira dentista, esta Kiara
van Trigt. Kiara van Trigt tambe lo bay ricibi un grupo y esaki lo bay ta entrante

1 di November 2017.
Por ultimo ta keda cu un cantidad di 4568 asegurado, cu ainda mester wordo

traspasa. E escogencia aki ta uno cu AZV a haci na unda cu a wak e adres di e
aseguradonan aki. Por a wak cu e mayoria toch ta den cercania di Playa y e ora
eynan a opta tambe pa traspasa e grupo aki pa e dentistanan cu ta mas cerca,

cu ta den e area di Playa. Eseynan ta dentistanan manera Sami Villanueva,
Lacle, Nuboer, Rosales, Oduber, Ternera-Giel y Soto. Esaki ta un grupo di

dentista cu lo haya cada un di nan, mas ofm menos 500 asegurado acerca.
Tambe pa e grupo aki ta conta cu nan lo haya un carta di AZV cu entrante 1 di

October nan ta pasa pa un di e dentistanan aki.
Ta un grupo grandi y ta pidi e aseguradonan inscribi cerca dentista Hugo van

Trigt pa tuma nota cu Azv a percura pa e continuacion di nan cuido dental por
sigui y esey ta nifica si cu ta bay tin cambio, pasobra AZV ta hopi gradicido na
dentista Hugo van Trigt, pero ta asina si cu una bes nan cumpli 65 aña, e ta

asina cu den e contracto tin cu termina pasobra esey ta e edad unda cu AZV ta
stop di sigui cu e dentista.

E atencion mas grandi ta na e fechanan. Tin un grupo grandi cu ta wordo