Page 8 - DIARIO 07- DECEMBER 2021

PAGINA 8 DIARIO DIAMARS 7 DECEMBER 2021
Aruba Bank y Aruba Lions Club a trece e

ambiente di Pasco den bario di Paradera

ORANJESTAD( AAN): Manera ta custumber tur fin di
aña na Aruba, mayoria rotonde rond di nos isla ta wordo
decora pa asina pa celebracion di dianan di fiesta. E aña
aki Aruba Lions Club a acerca Aruba Bank pa yuda cu
e proyecto di rotonde di Paradera y trece e ambiente di
Pasco den bario. Como cu Aruba Bank ta forma parti
di distrito di Paradera y a mira esaki como un bunita
oportunidad pa sostene e proyecto.
Diadomingo 5 di december e luzanan di e rotonde a
wordo cendi pa representante di Aruba Lions Club,
Danny Maduro y representante di Aruba Bank, Rox-
anne Kock-Croes.
Aruba Bank ta felicita Aruba Lions Club y e team cu a
traha riba e rotonde di Paradera pa nan tremendo trabou
pa realisa e concepto cu a wordo ilustra for di principio
y nan ta probecha pa invita comunidad pa pasa bishita e
rotonde di Paradera pa por admira e bunita decoracion
cu su luznan dorna pa e temporada dushi di fin di aña.