Page 13 - bon-dia-aruba-20210603

a13
riba caya Diahuebs 3 Juni 2021

Mester balora naturalesa di Aruba

Parke Nacional Arikok, nos parke nacional, ta consisti
di casi 18% di e isla. Su tereno salvahe, seronan cu parce
un desierto yen di cadushi, un linea di costa deslum-
brante, y flora y fauna protegi ta duna bo bon bini pa
yega explora.

Tin un gran cantidad di bida salvahe pa descubri, por ehem-
pel, e turtuga di lama cu ta pone su webo riba beachnan na e
parke. Tin mas luga riba e isla cu ta un area preserva, manera
Bubali Plas, cu ta un santuario di parha.
Parke Nacional Arikok ta trece bo den un biahe memorabel
den pasado di e isla, ofreciendo sitionan historico, geologico y
cultural unico. Tur esakinan por wordo disfruta y explora sea
riba bo mes of den un tour cu guia. Un gran variedad di pro-
grama educacional of informativo, y actividadnan dibertido,
ta disponibel.
Cuatro di e total di shete especie di turtuga marino ta pone nan
webo na beachnan di Aruba. Den parke nacional, e Least tern
(Sternula antillarum) ta tene un bista estricto riba un evento
special cu ta tumando luga abao: un mahestuoso Leatherback
(Dermochelys coriacea) ta bay back den lama despues di pone
su webo, mientras otro neishi cu e mesun hembra a pone dos
luna prome ta mira e turtuganan cuminsa sali di nan webo.
Un suceso hopi inusual, esta pone webo y sali di webo du-
rante dia. Turtuga di lama ta prefera pone neishi den oranan
scur y fresco di anochi. Y usualmente e baby turtuga ta warda
pa e superficie ariba fria prome cu sali.

Magia di Bubali
E bunita imagen di un parha ros ta cortesia di Michiel Over-
steegen di Aruba Birdlife Conservation. E fundacion impor-
tante aki ta destaca y crea consciencia di parha y otro flora y
fauna nativo di Aruba. Bo por a mira un ‘nubia ros’ na Bubali
of Spaans Lagoen den e wetlands, y esaki mas probablemente
ta un Roseate spoonbill (Ajaia ajaja) of cucharon cora manera
nos ta yam’e na Papiamento. E parha inusual aki ta biba den
awa no mucho profundo mientras ta pasa su pico plat di un
banda pa otro pa atrapa piscanan chikito, crustaceo y otro in-
vertebrado acuatico. E cucharon cora ta keda un bista inusual
ya cu nan ta vulnerabel pa degradacion di nan cuminda y hab-
itat pa traha neishi, esta e wetlands.
Esakinan ta apenas dos di e joyanan natural cu Aruba ta of-
rece. Nos no por insisti suficiente cu mester bay mira pa bo
mes. Nos naturalesa tin e beachnan mas bunita, pero tambe ta
bal la pena pa bay mas leu cu esaki y haya un bista riba henter
nos isla.
Recientemente tin un discusion andando tocante e efecto di
cierto actividadnan riba nos naturalesa, por ehempel, e ve-
hiculonan ATV cu ta causa cantidad di stof, zonido fuerte y
ta laga marca di taira. Animalnan ta biba den e areanan unda
e vehiculonan aki ta core, hopi biaha cu velocidadnan halto, y
cu consecuencianan detrimental na nos flora y fauna. Vehicu-
lonan motorisa ta prohibi di core riba duna den e parti nort
di e isla, y ta prohibi tur vehiculo motorisa riba tur beach na
Aruba.
Balor nos isla y disfruta di dje como un paraiso tropical y nat-
ural! Ban apreci’e!