Page 15 - awem,july16

AWEMainta Diahuebs, 16 Juli 2015 15

Ex Astro Pelotero, Hall of Famer,
Melvin Mora ta na Aruba

Cu propostito pa inverti
den un veld y un

academia di Baseball

DIAMARS merdia, Aruba a haya e grato bishita di un Ex Astro Pelotero,

Melvin Mora. Melvin Mora ta un pelotero cu a milita den varios equipo
entre otro New York Yankees, Baltimore Orioles, Colorado Rockies y
Arizona Diamond Backs. Melvin Mora a participa den dos All Stars
Games y a conkista e Silver Slugger Award na aña 2004, y na final el a
drenta Baltimore Orioles Hall of Fame. Melvin ta riba un nivel mundial
haciendo varios cos, tratando di recupera e hubentud y pone nan hunga e
wega di baseball of football of loke sea contal cu kita nan for di riba caya.

“Na Merca nos tin diferente campo di baseball y nos ta busca hobennan
talentoso y saca nan for di riba caya y guia nan pa nan por drenta y keda
den Grandes Ligas. Nos ta alimenta nan pa nan sobrevivi y duna nan
e mesun strategianan cu nan a sinjami. Aki na Aruba tin hopi hoben
talentoso cu por wordo recupera,” Melvin Mora a bisa.

E proposito di e bishita di Melvin Mora ta pa inverti den un veld di
Baseball y tambe pa lanta un academia di Baseball.
Tur tramite ya caba a inicia y pronto Aruba lo por conta cu un tremendo
proyecto na unda nos hobennan interesa den e deporte aki, sea di Aruba
of den e region, por disfruta di e veld y e academia y asina produci mas
peloteronan profesional.