Page 18 - awem,july16

18 AWEMainta Diahuebs, 16 Juli 2015

Den Weganan
Panamericano
Toronto 2015

Atletanan di landamento Jordy
Groters, Daniella van den Berg
y Allyson Ponson a inicia na nan
competencia Panamericano 2015

DIAMARS mainta tempran, e Aquatic Centre CIBC

na Toronto tabata yena di fanatico pa mira e prome dia
di competencia di landamento.
Mas cu claro Aruba tabata bon representa den e
atletanan Jordy Groters, Daniella van den Berg y Allyson
Ponson. Riba e prome dia tur tres atleta representando
Aruba a mira accion cada un den nan specialidad.
E atleta femenino Allyson Ponson a landa como e
prome atleta den e 100m estilo liber unda e ta yega na
di 7 lugar cu un tempo di 57.89 seconde, den split time
di 27.57.
Den e heat di Allyson, e top landado Mericano y alabes
medayista Olimpico, Natalie Coughlin ta kibra e record
Panamericano cu un tempo nobo di 53.85. Den e 100m
free, Allyson Ponson ta keda na di 19 lugar overall den
28 landado.
Pa loke t’e atleta masculino, Jordy Groters, e tambe
a landa e 100m estilo liber. Mester bisa cu Jordy a
termina den su heat na di 6 lugar cu un tempo di 51.71
seconde, cu un split time di 24.67 seconde.
Cu esaki Jordy Groters a termina na di 15 lugar overall
den 24 landado ta un bon resultado mirando cu e
disciplina di 100m estilo liber no t’esun faborito pa
Groters. E tempo aki ta uno B, cual ta entre e mihor 16
landadonan.
Por ultimo nos a haya e atleta femenino Daniella van
den Berg, kende a mira accion den e 200 mariposa. Aki
nos tin cu bisa cu Daniella a sali na di 7 lugar den su
heat cu un tempo final di 2.26.04, cu un split time riba
100m di 1.08.07.
Cu esaki Daniella van den Berg a termina na di 17 lugar
overall den 17 participante.
Pa tanto Daniella, Allyson y Jordy e disciplina landa
riba diamars no t’e mihor cu nan ta presta den dje. E
hecho cu nan a haya e posibilidad pa landa esaki den
e Weganan Panamericano contra di e mihornan di e
continente aki ya caba ta un experiencia unico.
Notabel ta cu 4 aña pasa den e Weganan Panamericano
Guadalajara 2014, tanto Allyson como Jordy a yega
final B cu ta un prestacion sin mas anto na un edad
relativamente hoben.