Page 24 - awem,july16

24 AWEMainta Diahuebs, 16 Juli 2015

Entrenamento
rescate di
personanan
pegá den lift

KRALENDIJK - 12 Miembro di personal

di Brandweer di Cuerpo di Bombero
Hulanda Caribense (BKCN) seccion Bonaire,
diabièrnè último a sigui un entrenamento
con pa rescatá hendenan pegá den lift. E
entrenamento tabata consistí di teoria y un
parti di practicá. E personal di bombero a
pone e teoria den práctica na Warda di Polis
na Playa y na Playa Lechi Residence.
A organisá e entrenamento aki en
cooperacion cu ‘Liftinstituut-Solutions’.

Un di e tareanan di Brandweer ta pa rescatá
persona bou di cua rescate for di lift tambe
ta un di e posibel peligernan. E tipo di
peligernan specífico aki no ta sosodé hopi
na Hulanda Caribense. Pero considerando
e hecho cu ta construyendo cada bes
mas edificio cu tin un òf mas lift, a pone
atencion n’e tipo di rescate aki. Segun un di
e bendedornan di mas grandi di lift a duna
di conocé, tin mas cu 15 lift na Bonaire y ta
premirá cu e cantidad ta bay sigui crece.

E-learning
Pa medio di e-learning e cursista ta haña e
parti teorético online. E bentaha di e manera
di training aki ta cu e cursista mes ta dicidí
na ki momento e kier sigui e parti teorético di
e entrenamentlo. E entrenamento teorético
ta dura mas o ménos 2.5 ora. Cada cursista
ta haña serca lift-instituut un nòmber di uso
y un código cu cua nan por subi e wèbsite.
Manera cu caba cu e parti teorético ta finalisá
esaki cu un exámen.

Pa pasa e parti teorético e cursista mester
contestá por lo ménos 80% di e
preguntanan corecto. Despues cu pasa e
parti teorético ta sigui e parti di práctica.
P’e parti práctico e cursista mester pone
e parti teorético den práctica. E cursista
mester ehecutá riba e dos tipo di liftnan
cu tin mas di dje na Bonaire cu ta;
Traction (Warda di Polis na Playa) y
hidrólico (Playa Lechi Residence).
Cu e entrenamento aki, personal
certificá por haci nan trabou riba
tereno di rescate for di lift na un
manera mas sigur y eficiente.