Page 20 - MIN SJA 16 MAART 2016
P. 20
AWEMainta Diaranson, 16 Maart 2016 21
Guardian Group a
keda hopi satisfecho
participando cu
ARUBA DOET
DIASABRA ultimo, 34 coleganan di
Guardian Group a participa na ARUBA DOET
pa di 2 biaha y atrobe e tabata un experiencia
unico y divertido.
A forma 4 grupo pa por a yuda St. Dominicus
College, St. Algemene Bejaardenzorg Aruba
(SABA), Ambiente Feliz y Colegio Laura
Wernet Paskel.
E resultado tabata asina bunita cu e ta
duna asina hopi satisfaccion. E coleganan
por a comparti den otro situacion cu no
ta trabou con ta traha den ekipo haciendo
completamente otro tipo di trabou.
Experiencia di aña pasa a yuda cu a
traha tempo pa haya splicacion di tur e
organisacionan ariba menciona prome cu e
dia di trabou cuminsa. Esaki a duna nan un
motivacion grandi y alabes yuda nan prepara
mentalmente, pero tambe fisicamente.
E experiencia cu nan a pasa aden ta yuda nan
evalua y balora hopi mas ainda tur loke nos
tin y aprecia nos bida.
Un danki na tur e lidernan di e organisacionan
ariba menciona: Juff. Caroline Cardose,
Angele Holsman, Lukee Croes y Juff. Eta
Figaroa pa nan trato y confiansa.
Nos ta recomenda tur hende pa participa
otro aña atrobe y haci un diferencia pa Aruba
bay dilanti. Union ta haci forsa. Guardian
Group ta cla atrobe pa participa den 2017.
