Page 10 - Imsan

IMSAN a busca dos Ford Ambulance nobo pa Aruba

Publication: Tuesday, 19 May 2015. Categoria: General

ORANJESTAD(AAN): Pa basta tempo e director di IMSAN
Joel Rajnherc a bisa cu nan ta trahando pa busca financiamento pa dos ambulance nobo pa Aruba.
E flota di ambulance actualmente no ta malo pero cada tanto tempo ta importante pa reforza esaki.
Ambulance ta un vehiculo cu na Aruba ta core masha hopi. Pesey mes un flota mester keda cu autonan nobo tambe
cada tanto tempo.
Despues cu e director di IMSAN a bisa cu nan ta den proceso, finalmente algun dia pasa a mira cu dos ambulance
nobo a yega Aruba.
Nan a yega for di Merca y color blanco. Ya caba e trabaonan a cuminsa na e dealer R.E. Yrausquin pa haci e
cambionan necesarionan pa e vehiculonan ako por subi caminda.
Un ora pa otro e dos ambulancenan aki ta cla cu nan dibujo pa asina por brinda e servicio na comunidad. Ultimo
tempo tabata tin un of mas ambulance cu a accidenta pero ta back caba den servicio. Awor e agencia di Ford mes na
Aruba ta busca e ambulancenan nobo.
Un ambulance asina ta costa riba 100 mil Florin. Nan ta ambulancenan Ford Econoline special order.
Agencia cu ta fabrica ambulance mes ta traha e vehiculonan aki y aki ta caminda nan a worde pidi pa Aruba. Lo keda
pendiente pa mira y tey presente ora haci entrega di e dos ambulancenan aki na IMSAN.

http://www.diario.aw/2015/05/imsan-a-busca-dos-ford-ambulance-nobo-pa-aruba/