Page 27 - MIN ON 26 JUNE 2017

AWEMainta Dialuna, 26 Juni 2017 15

Campaña di Arthur Dowers bayendo #masdurocununca

Bishitando ciudadanonan pa comparti e vision di AVP

Banderanan subiendo na Solito, Paramira, Dakota, Wayaca, Sero Blanco y Mabon

“E aceptacion ta grandi, pueblo ta dicidido pa nos
sigui sirbi pa un termino mas. Pero nos lo sigui traha
duro, sigui campaña, sigui bishita tur cas pa com-
parti e vision di AVP cu tur nos votadonan”, asina
Minister mr. drs. Arthur Dowers a duna di conoce
diadomingo, despues di un fin di siman pisa di cam-
paña y bishita na barionan manera Solito, Paramira,
Dakota, Wayaca, Sero Blanco y Mabon.

Hunto cu e hala hubenil “Dowers Squad”, a cana di
cas pa cas den barionan, papia cu habitantenan, pega
bandera na esunnan cu pidi, scucha nan pensamento,
nan preocupacionnan, nan ideanan y sugerencianan.
Ta bisto cu e campaña aki ta bayendo mas duro cu
nunca, asina un di e campañadonan a vocifera.

Sin duda e exito den e fin di siman aki tabata e
bicicleta special, cu ta lastra un borchi di “Duro cu
Dowers” den tur e barionan unda e caravana ta pasa
campaña. E habitantenan a gosa un mundo di e am-
biente cu e campañadonan ta trece den bario.

Team Dowers ta ocupa tur e dianan aki cu atende
yamada di ciudadanonan pidiendo pa pega nan
bandera na cas of plak sticker na nan auto, como
un forma di solidaridad na e Gobierno na mando.
Ta invita tur hende pa pasa Cas di Partido AVP na
Dakota pa inscribi bo mes y asina join Team Dowers
den e campaña aki.

Mr. drs. Arthur Dowers a participa den eleccion pa
prome biaha na aña 2001 y a conta cu 203 voto di
confiansa. Den eleccion di aña 2005, despues di a
sinta 4 aña den Parlamento, su votonan a subi te cu
858 y na aña 2009 e votonan a sigui crece te na 1281.
Mester menciona cu despues di a goberna 4 aña den
e funcion di Minister di Husticia y Enseñansa, e
politico a resulta un di esunnan cu mas a crece den
e ultimo eleccion di aña 2013, subiendo di 1281 te
cu 2079 voto individual.

Su seriedad y integridad sin duda lo hib’e na un re-
sultado aun mas grandi den e eleccion aki.
E sosten di su votadonan ta grandi y cada dia mas y
mas hende nobo ta yega pa uni n’e famia grandi di
AVP y cu sosten pa Arthur Dowers.