Page 2 - RIU Aug 10 2021
P. 2
https://24ora.com/no-tin-presupuesto-pa-rotonde-na-palm-beach/
NO TIN PRESUPUESTO PA
ROTONDE NA PALM BEACH
9 August, 2021, 8:30 pm
Den ultimo tempo n’e crusada di Palm Beach a sosode hopi accidente y no ta desde
awo ta papia pa bin c’un rotonde eynan. E problema ta cu ainda no tin presupuesto
pa bin cu rotonde di Palm Beach. E luz di trafico no ta traha y a busca solucion door
di pone heki pa yuda e trafico. Pero esey no ta yuda, ya cu constantemente tin
accidente ta pasa.
Minister Presidente demisionario mr. Evelyn Wever-Croes a indica cu e idea ta pa
haci e crusada un rotonde. E fondonan tabata pendiente p’e fondonan di
presupuesto. El a indica cu presupuesto di gobierno a pasa, pero presupuesto pa
DOW no. E presupuesto pa DOW ta na caminda pa parlamento.
Ing. Marlon Croes, director di DOW, a informa un otro prensa riba e situacion di e
crusada di Palm Beach y esaki tin nan atencion. Nan ta biniendo cla cu documento
pa presupuesto y manda esaki p’e minister. A sondea kico ta e miho opcion sea
drecha luz di trafico y construi rotonde. Croes ta haya cu mantencion di un rotonde
ta miho ya cu e costo ta mas abou compara cu e sistema di luz di trafico. E ingeniero
ta spera cu por presupuesta fondo pa construi e rotonde y alivia e situacion di
accidente.
https://www.facebook.com/watch/?v=901114814089086
