Page 6 - RIU Aug 10 2021

delegacion di Aruba lidera pa Minister demisionario di Turismo, Danguillaume

Oduber hunto cu CEO di Oficina di Turismo Aruba (A.T.A.) Ronella Croes, Cruise
Manager Mario Arends y di parti di Aruba Ports Authority (APA) director Marc

Figaroa, a reuni cu ehecutivonan di Carnival Cruise Lines, Florida-Caribbean Cruise

Association y Royal Caribbean Cruise Lines.

Reunionnan a tuma luga na nan cede na Miami. Esaki ta e dos liñanan di crucero cu
ta produci mas hopi turistanan crucero pa nos destinacion,y como tal, sigur hopi

relevante pa Aruba su industria turistico.

Recientemente operacion di crucero desde puertonan na Florida a re-inicia y liñnan

ta hopi activo ta haci e cambionan necesario pa adapta na e situacion di e pandemia

mundial.

Durante e reunion, ehecutivonan di e liñanan crucero a expresa aprecio pa e forma

diligente cu Aruba ta maneha e crisis/pandemia y alabes e protocolnan y demas

trabou pa re-inicio di turismo crucero den Caribe. Liñanan a keda impresiona cu e

grado di vacunacion di Aruba y tambe cu e maneho y recuperacion di turismo.

Debi na e maneho aki, Aruba tabata parti di e prome itinerario den Caribe y nan ta

balora e relacion cu nan tin cu Aruba pero tambe e confiansa den nos destinacion.

Naturalmente e situacion actual di e pandemia tin hopi ahustacion cu ta adapta cada

rato pa loke ta trata e resto di 2021, pero e liñanan crucero a duna indicacion cu e

recuperacion lo por acelera na 2022 tanto den capacidad y den cantidad di barco

crucero cu lo ta den operacion y aki ta inclui Aruba den nan itinerario.