Page 7 - RIU Aug 10 2021
P. 7
Aña 2019 tabata e miho aña pa turismo crucero pa nos destinacion, unda un total di
832.001 pasahero crucero a bishita nos isla. Durante e bishita di trabou siman pasa,
a palabra cu lo planea e cantidad di calls pa nos isla cual den algun caso por surpasa
e nivelnan cu loke 2019 a produci den e industria aki pa Aruba.
Pa loke ta trata e reunionnan cu Carnival Cruise Lines, Aruba ta continua di tin un
hopi bon imagen tanto den e comentarionan di nan pasaheronan pero tambe den e
percepcion di e agencianan di viahe.
Esaki por wordo mira bek den e rating cu Aruba ta sigui den e top 2 destinacionnan
den Caribe, di cual nos ta score un averahe di 9.3 den satisfaccion di e pasaheronan
di crucero.
Operacionnan di crucero a demostra di ta bayendo bon den e maneho y pa tal
motibo e casonan positivo di COVID-19 ta limita. Asina mes, liñanan di crucero a
fortifica nan protocolnan aun mas y actualmente e protocolnan di e industria
crucero ta mas cu e medidanan cu Centers for Disease Control & Prevention (CDC).
Gran mayoria di pasaheronan di crucero ta vacuna, cual ta yuda limita e riesgo entre
e pasaheronan y pa e comunidad di e destinacionnan cu e barconan di crucero ta
bishita.
E delegacion a tuma oportunidad pa meet cu Florida-Caribbean Cruise Association
(F-CCA) pa comparti mas informacion y ricibi e apoyo den comunicacion cu e
liñanan di crucero y tambe den e area di mercadeo.
Ministerio di Turismo, A.T.A. y APA lo continua hunto pa haci esfuersonan pa
recuperacion di nos turismo crucero.
