Page 16 - Minister Mike de Meza

A4
LOCALDiaranson 30 September
Nacionnan Uni ta sigui Aruba, of Aruba ta…
Mike Eman como lider di mundo civilisa….
Tur e biahanan cu Premier Eman mag haci den
e delegacion di Reino ta parce di cuminsa haya
efecto riba su mente. Awor nos por tuma nota
di e hecho cu señor Eman a acompaña e delega-
cion di Reino na New York pa e evento grandi
di Nacionnan Uni siman pasa, unda hasta por
a conta cu presencia di cantidad di personalidad
mundial, inclusivo esun di Papa di Roma. Pero
e relato cu señor Eman ta manda pa consumo
local ta duna e impresion cu e persona clave den
e evento tabata e mes. Segun e relato di prensa
ta sugeri, Nacionnan Uni ta siguiendo e bon
ehemplo di Aruba y tambe ta brasa e tema di
sostenibilidad; un logro increibel di berdad pa
un luga chikito manera Aruba pero cu feliz-
mente por conta cu un ‘ heavy weight’ manera
Mike Eman. Pero, nos kiermen ‘ increibel’ tex-
tualmente: bo no por kere. Pasobra tur hende cu
ta un tiki na altura di e tema internacional aki
sabi cu pa varios decada e agencianan di UN
ta na vanguardia di promove desaroyo socioeco-
nomico sostenibel. Na e altura aki, bo ta haci bo Despues di casi seis aña di maneho guber-
mes ridiculo den e mundo aki si bo no ta sostene
e idea di desaroyo sostenibel; tur hende ta papia tenibilidad, loke realmente a logra ta masha
di dje, pero no tur ta haci algo.
Nos no por bisa ademas cu aki na Aruba te na
e momento cu Mike Eman a bira Prome Min-
istro di Aruba nos no tabata consciente di e
tema aki. Nos por corda cu gobierno anterior
a dedica un suma considerabel na e proyecto
“Nos Aruba 2025” cu a conta hasta cu partici-
pacion di varios parlamentario di AVP, pero no
Mike Eman. Cu a adopta e pensamento mun-
dial aki pa programa di gobernacion despues
ta di elogia. Pero e ora nos mester bay evalua
kico a logra desde 2009 riba e tereno aki. Purba
duna e impresion cu Aruba, of miho bisa señor
Eman, ta conkistando mundo cu e tema aki, ta
simplemente ridiculo. Pero ban wak kico tin di
haci na Aruba, pasobra ta riba esey nos mester
husga un gobierno cu tin sostenibilidad como
lema.
Desaroyo sostenibel ta sugeri cu nos ta enfoca
riba un desaroyo socioeconomico cu ta scoge y
implementa actividad economico di tal forma,
cu e efecto cu esakinan tin no ta dañino, y no
ta limita of imposibilita otro actividad eco-
nomico despues, traves di uzo sensato di re-
curso disponibel. Den pasado Aruba mester a
soporta caba mal uzo di su recursonan natural.
Ehemplo tabata e cortamento di palo pa kima
den forno di aloe y di calki. Mas reciente nos
por observa e contaminacion den varios forma
cu ta permiti e refineria practica durante varios
decada, sin duna cuenta ki efecto tur esaki taba-
tin y lo por tin atrobe riba habitante alrededor
di e instalacion industrial aki. Pero esey no ta
tur. Pa hopi aña caba e explotacion sin discrim-
ina di calki y otro sedimento natural ta lagando
yaga enorme den cara di nos paisahe, cu e agra-
vante di cu ta trata di destruccion di recursonan
irecuperabel, ya cu ta trata di sedimento nat-
ural cu a tuma miyones di aña pa forma. Na
luga di cu nos mira un maneho drechi pa para
e proceso di deteriora aki, nos ta mira cu a bin
riba e ‘tremendo’ idea pa uza e coba nan aki pa
yena cu desperdicio, unda nan ta bira un prob-
lema grandi pa salud di e bisindario. Aruba tin
mas di cincuenta di e buraconan aki. Anto tur
esaki riba un isla cu mester biba di turismo…
namental cu supuestamente ta promove sos-
poco mes. Ta facil pa yama un caminda nobo
“Green Corridor” pero a menos cu e asfalt ta
di color berde, e no tin nada di green. Y pa nos
no papia mes di e maneho riba tereno di energia
renovabel cu a haci hopi propaganda pero no a
yega na casi nada concreto. Asina mes otro luna
nos por presencia otro fiesta grandi pa nos haya
paga, di celebracion di e tremendo intencionnan
di e gobierno actual.
Ora nos ta papia di sostenibilidad, nos ta pa-
pia na prome luga kico concretamente den bo
maneho gubernamental bo ta haci pa logra
yega na un economia sostenibel, y ta parce cu
ta net esaki ta e problema cardinal cu nos ta
presencia actualmente. Pa cuminsa, maneho
financiero responsabel ta e fundeshi di tur otro
cos. Ora bo ta hibando un pais den direccion di
bancarota, no ta bale la pena mas papia di sos-
tenibilidad riba otro tereno. Maneho sostenibel
y responsabel financiero no ta trata solamente
di con aumenta entrada, sino con pa baha gasto,
y ademas gasta placa riba cos cu ta prioridad.
Ta bira tempo pa e ‘homecoming’ di nos Prome
Ministro, pero sin fiesta y cu e seriedad cu un
lider gubernamental mester tin.q