Page 36 - ATA APRIL 6 2016

Fraccion di AVP: A pidi minister di turismo pa bin contesta
preguntanan den vragenuurtje den Parlamento

Tuesday, 05 April 2016 20:19

Tabatin un ora di pregunta den Parlamento. Rene Herde, lider di Fraccion di AVP, a comenta cu
Parlamento tin diferente forma pa haya informacion, di cual un di nan ta un vragenuur. Ta yama e
minister y ta haci un serie di pregunta, cual e tin cu contesta eynan mes. Lamentablemente no ta uza e
instrumento aki hopi, Herde a accentua. A dicidi uza esey pasobra a corto plazo por a haci’e.

E tema di e vragenuur ey, tabata pa a haya splicacion, aclariacion, transparencia completo riba puntonan
cu ta den discucion riba e maneho di minister di turismo y maneho di ATA. Specificamente tabata bay
riba e otorgamento di e oferta di e permiso pa a uza e logo di Aruba, con e procedura a bay, ken a hay’e,
ken tabata responsabel pa e destaho publico, con e logo ta wordo uza door di ken, ken tin e derechonan y
con e ta wordo uza. Asina tin varios pregunta over di loke ta discusion awor aki den comunidad y ta
contento cu a haci’e. Sa cu partido MEP tambe a haci un serie di pregunta, pero a haci nan skirbi. Straño
ta cu ora e minister kier a contesta tur e preguntanan directamente, publicamente, MEP no tabata kier.
MEP no tabata kier pa e minister contesta e preguntanan e ora ey. Tin e minister eynan publicamente, ta
wordo transmiti via television y nan no tabata kier pa e minister contesta e pregunta. Fraccion di AVP,
sinembargo, a keda contento cu nan a haya e splicacion y e minister a pone tur documento riba mesa. Bon
tabata tambe, cu e minister a duna un documento di Centraal Accountants dienst, riba un periodo di 2
aña, a evalua e calidad di administracion financiero di ATA y segun e minister ta splica, ta bay haya e
rapport. Segun e minister e administracion, no solamente ta bon, pero e control interno tambe ta bon, cu
ta loke kier pa tur departamento di gobierno. E sesion di diamars ta pa haci un serie di pregunta, no
tabata un reunion publico. Lo bay bin cu mas instrumento pa parlamento, segun Herde. Nan kier bin cu
loke ta yama spoedebat. A corto plazo ta yama e minister riba un tema specifico, no henter un
presupuesto, pero specificamente riba un tema y cu un paar di hende, no henter parlamento, ta debati cu
e minister riba e tema. Awendia informacion ta bay hopi mas lihe. Hopi informacion via Facebook, via
internet, via twitter, hopi mas lihe cu prome ta sali afo. No por warda pa corant of pa radio of television.
Hende kier’e mesora y for di su responsabilidad di haya splicacion, di haya transparenca completo riba tur
cos cu ta toca nos pais, ta haya cu falta instrumento y e instrumento aki, lo uza. Oposicion no kier. Nan a
haci un serie di 20 pregunta por escrito. Nan no tabata kier pa e minister contesta nan, cual ta straño. Nan
kier haya e e contestanan skirbi. Nan lo bay haya nan. Ta sigur cu e minister tin cu contesta nan. Loke ta
straño cu mientras kier transparencia, minister ta den parlamento y transmiti via radio y television y toch
oposicion ta bisa e minister cu no mag di contesta e preguntanan. Tur fraccion tabata tey presente.
Fraccion di PDR tambe a haci pregunta, fraccion di AVP, cu a yama e reunion y minister pa duna
splicacion y fraccion di MEP cu a haci preguntanan por escrito y no contesta nan. Ta un pensamento tiki
straño si, segun e parlamentrio. Ta exigi transparencia y ora cu e minister tey, por haci’e tur pregunta of el
a bisa cu e kier contesta, anto ta bis’e cu e no mag contesta. AVP mes a keda contento cu e contestanan cu