Page 40 - ATA APRIL 6 2016

Cu si ta bay bin hotel extra si of no, no ta cuminsa cu minister Schwengle, e ta cuminsa cerca
minister di turismo, hunto cu e conseho di minister.
Na e momento cu dicidi cu ta bin un hotel extra, e minister di infrastructura ta duna un
bestemmingsvergunning na e persona cu kier bay desaroya e edificio pa un hotel. Djey, na final ta
bin e hotelvergunning mes. Ta nifica cu e ta hacie operacion di hotel. E ora ta controla tres aspecto.
Aspecto di higiena, aspecto di siguridad, brandveiligheid y aspecto di orden publico. Na momento cu
tin tres departamento bisa cu ta OK, claro cu ta check si berdad si e bestemmingsvergunning ta klop
y si e proceso prome cu esey bay bon, e ora Minister Schwengle ta firma. E no ta e minister cu ta
dicidi riba camber. E maneho di turismo ta bay den man di minister di turismo, cual e ta hacie den
conhunto cu e otro ministernan.
Ta biniendo cu cambio den ley, und cu kier duna e minister di turismo mas potestad den e
vergunning pasobra ta haya cu e tres fasenan cu ta mucho leu di otro. Tin tres minister ta dicidi riba
un solo cos. Esaki ta haya cu e afspraaknan no ta klop cu otro. Ta di lamenta, pasobra ta cosnan cu
por evita y e ta lamentabel no solamente pa pueblo mes pero tambe pa e negoshantenan cu kier bin
Aruba of di Aruba mes cu kier inverti den turismo. E coordinacion mester ta miho y ta spera cu
cambiando of adaptando un di e leynan di hotelvergunning cu asina por mehora e coordinacion
entre e tres ministernan.