Page 37 - ATA APRIL 6 2016

nan a haya. A haci mas pregunta riba e contestanan, specialmente riba e hecho cu por ehempel e contract
a wordo cambia na caminda y minister a splica cu esaki a sosode pa no un compania so, pero pa mas
compania por haci uzo di e logo y den e cifranan cu a haya, ta wak cu apenas un 27% ta bay pa e compania
cu a gana e bid, ta haci uzo di dje y otro 73% otro companianan na Aruba pa haci uzo di e logo pa benta
comercial di e productonan cu ta haci uzo di e logo, Herde a finalisa.

Democracia Real a keda cu mas pregunta cu el a haya
contesta durante vragenuurtje cu minister di turismo

Tuesday, 05 April 2016 20:22

Tabata tin un vragenuurtje den parlamento y e tema tabata e desaroyonan rond di e maneho di ATA,
minister di turismo, logo, contratonan, etc. Parlamentario Andin Bikker a comenta cu e tematica aki ta
merece hopi mas atencion cu djis un vragenuur.

Segun e parlamentario, un vragenuur ta algo cu un persona, un miembro di parlamento tin derecho di
haci pregunta y e tempo ta limita. Ta haci e preguntanan, djeynan e minister ta contesta. Despues di un
pauze mas chikito pa haci pregunta. Cada miembro di parlamento riba e tematica por bay un minuut y ta
hopi poco, contemplando e embergadura aki. A haya poco documento pa wak, cu tambe mester a core,
lesa nan wak kico ta kico y djeynan, Bikker a haci su preguntanan, pero por bisa cu riba e tematica aki ta
desea di haya un reunion publico of otro tipo di intercambio, pasobra un vragenuur ta hopi limita,
mirando e magnitud di e tematica. Hopi interogante a keda. No ta tur cos e minister a contesta y no ta
haya chens tampoco pa bisa e minister cu tin vraagpunten cu sea e no a conteste completo of no a
conteste. Di parti di PDR a keda cu mas pregunta cu nan a haya contesta. For di e speedreading cu PDR
kier a haci, a ripara cu por ehempel, a bay un tipo di destaho publico, si el a bay conforme di e landsbesluit
openbaar aanbestedingen, sa esey y no por a haya contesta specifico bon. Segun Bikker, un procedura a
bay cu e minister tabata tin un compania bao di su nomber y di un persona yega na dje, nan a desolve na
2009 y diripiente otro eenmanszaak pa un otro persona yega na dje, a lanta, e persona aki a gana e
destaho publico despue. Un tipo di destaho publico y despues e persona aki a incorpora un NV despues di
a gna e destaho publico pa e NV aki, den dos ocsion a drenta den un acuerdo cu ATA. A puntra e minister
dicon eigenlijk ATA, un entidad cu asina tanto miyones mester a drenta bay den un acuerdo pa laga otro
tercera parti bay traha materialnan pe. Dicon ATA no por a hacie. Fuera di esey, den e di dos acuerdo cu a
wordo firma, na 2012 a bin ripara cu tin 20% riba cada producto, di kostprijs cu e compania aki a haya.
Interogantenan cu en todo caso cu den 1 minuut cu a haci pregunta y e contesta cu a haya hopi encapsula,
a keda cu mas pregunta. Ta spera cu proto e minister por bin parlamento bek pa por sigui debati riba e
tematica aki pa por haya un aclareacion, pasobra un vragenuur, un ora di pregunta no ta suficiente pa un
tematica di e enbergadura aki, den concepto di PDR.