Page 7 - AHATA
P. 7
Diahuebs, 21 September 2023 AWEMainta COMUNIDAD 13
Compleho di Aruba Marriott ta celebra housekeeping week
urante e siman di September 11 pa 15, 2023, e
Dcompleho di Aruba Marriott a celebra hunto cu
su asociadonan fuerte y balente, e siman mundial-
mente reconoci como “Housekeeping Week”.
E inicio di e siman grandioso aki a cuminsa cu un
evento di felicitacion na henter e team di house-
keeping unda tur a ricibi un “Housekeeping Week”
tshirt y tambe un itinerario yena cu e plan pa activi-
dadnan di e resto di e siman.
Segun e siman a avansa, diferente actividadnan a
wordo organisa cada dia, entre otro, un dia di “big
breakfast” den e ballroom, sigui pa un grandioso
wega di Bingo yena cu premio. Riba e di tres y di
cuater dia, e team completo di e compleho a subi
bus y asina disfruta di un “island tour” caminda a
bishita diferente monumento y luganan conoci y
turistico di nos dushi isla.
Alabes, e siman di celebracion aki a inclui un activ-
idad di “commitment to clean” caminda cu cada
associado por a presenta e diferente manera y
metodonan cu lo usa como nan compromiso cu nan
mes y e hotel. Marriott International ta conoci pa su
diferente proceduranan mundialmente, un di nan, e
“commitment to clean” ta wordo reenforsa for di e
momento cu un trahado cuminsa su trayectorio di
trabou na Aruba Marriott. E procedura aki ta unda
cu tur asociado, di tur nivel, ta compromete nan mes
na mantene cada area di e hotel limpi.
Pa clausura e siman grandioso aki, un tremendo
evento di “Housekeeping Olympics” a wordo
organisa, cu weganan interactivo den areanan di
velocidad, strategia, y limpiesa. Sigur un siman
yena di goso y alegria pa nos tremendo ekiponan
di ‘housekeeping’. Aruba Marriott y su ehecutivonan
ta extende un palabra di pabien na cada asociando
cu ta forma parti di ‘housekeeping’ na e compleho
henter.
Mas di e Compleho di Aruba Marriott:
Aruba Marriott Resort & Stellaris Casino a habri
na aña 1995 cu 411 camber y despues a añadi 3
camber mas na aña 2018. Na aña 1999 a habri
Ocean Club cu 311 camber y na aña 2004 a habri
Surf Club cu 900 camber. En total, e famia di Aruba
Marriott ta consisti di mas o menos 1200 empleado
den servicio directo. E compleho di Aruba Marriott
ta esun di mas grandi den henter Caribe, tanto den
cantidad di camber como den cantidad di empleado.
