Page 65 - MIN ON 10 NOV 2015

40 Djamars 10 Novèmber 2015

BUELTA PRELIMINAR
KUES TUR TA KONTA

WILLEMSTAD.- E nesesidat pa desaroyá un muchanan en partikular i e
preparashonnan pa e buèlta base fuerte di aritmétika komunidat den su totalidat
preliminar di dia 22 di i matemátika pa asina e por tin un futuro mas briante.
novèmber próksimo pa e
Kues Tur Ta Konta (un kues
di aritmétika i matemátika
pa skolnan di fundeshi) ta
den “full swing”. 26 skol di
fundeshi a inskribí i nan a
keda repartí den 4 region.
Riba 22 di novèmber lo bira
konosí ta kua ta e kuater
finalistanan (unu pa kada
region) ku lo enfrentá otro
den e grandioso final ku
ta programá pa tuma lugá
dia 28 di febrüari 2016. E
skolnan lo kompetí pa un
promé premio di fl. 5.000.
E buèlta final, kontrali na
e buèlta preliminar, lo ser
transmití live via TeleCuraçao
i e ta habrí pa públiko.

E kues ta destiná pa
alumnonan di grupo 8 (klas
6) i kada skol ta partisipá ku
12 alumno. Tantu e buèlta
preliminar komo esun final
lo tuma lugá den e oula
di Universidat di Kòrsou.
Banda di e promé premio lo
tin mas premio pa e skolnan
i alumnonan ku ta destaká
riba diferente kategoria.
Empresanan ta keda invitá pa
kontribuí ku òf spònser mas
premio pa e skol- i muchanan.

Fundashon Tur Ta Konta
a lanta den 2014 ku e meta
pa yuda muchanan ku tin
difikultat ku e materia di
aritmétika i matemátika. E
fundashon ta hasi esaki pa
medio di voluntarionan ku
ta yuda e muchanan a base
di e prinsipio di un tutor pa
un mucha. Fundashon Tur
Ta Konta ta spera ku mas
boluntario por apliká pa
asina por yuda mas mucha.

Fundashon Tur Ta Konta
tin tambe komo meta pa
konsientisá komunidat
tokante importansha di un
bon dominio di e materia.
Ku e kompetensia akí
Fundashon Tur Ta Konta kier
hasi e materia mas aksesibel
i atraktivo pa e hóbennan.
Aritmétika i matemátika
mester ser eksperensiá
komo un tema agradabel i
fasinante. Na mes momentu
e organisadónan ta spera ku
e mayornan tambe ta ser mas
envolví den edukashon di nan
yu relashoná ku aritmétika i
matemátika.

Fundashon Tur Ta Konta
ta hopi orguyoso i kontentu
ku UTS i Universidat di
Kòrsou ta partisipá komo
‘co-brander’ aktivo na e
Kues Tur Ta Konta. Tur dos
organisashon ta mira e