Page 28 - AM221017

Corsou AWEMainta
Pa asesinato di Niurca Fernandez dia 31 di mei
Hues a duna castigo mas pisa cu fiscal a demanda
WILLEMSTAD - E ciudadano Clifton Ostiana “Kabibi” di
51 aña di edad tabata den sala di corte ayera pa scucha
su veredicto, despues cu dia 31 di mei 2022 el a asesina
e ciudadano femenino Niurca R. Fernandez Padilla cu arma
di candela. E asesinato a tuma luga na e señora su snack
cu yama La Negraah Terraza. Dos bala a herida e victima,
uno na su man drechi (esta na su dede di bisti renchi).
Debi cu e señora no tabatin nada otro, sino su man pa
trata di wanta e bala, anto e otro bala tabata den e victima,
Niurca R. Fernandez Padilla, su cabes cu a result’e mortal.
Autoridadnan a conclui cu tabata cu un revolver caliber 38
Kabibi a mata Niurca. E acusado a pretende cu ta e señora
a saca e arma di candela, anto cu e (esta “Kabibi” Ostiana)
di su parti a trata di defende su curpa, di manera cu a surgi
un forsageo durante cua e balanan a sali for di e arma di
candela, sin cu tabata e intencion.
Pero un testigo a bisa cu riba e mesun anochi di e asesinato
pa mas of menos 21.00or, Kabibi Ostiana a yam’e na telefon
pa bis’e cu el a caba di tira Niurca mata.
Durante un declaracion cu e acusado a haci na polis dia 2 di
juni 2022, el a declara cu a surgi un pleito entre e cu Niurca,
net na momento cu e señora aki tabata cerando e snack pa
regresa su cas. Pero cu Niurca durante e pleito a saca un
arma di candela for di su tas y cu e (Kabibi) a lucha pa kita e
arma di candela for di e victima, anto cu den esey e balanan
a sali di cua unu a herida e señora mortalmente. Polis no a
kere e version cu a presenta di parti di Ostiana, pasobra si
Chines considera ‘headman’ den
atraco riba famia Chines na Corsou
WILLEMSTAD - Corte a cuminsa cu tratamento di caso di
un atraco cu a tuma luga dia 11 di april 2022 y cu a haya e
nomber ‘POOL’.
Tabata un atraco cu arma di candela, tira riba un famia
Chines, pero aki ta e ciudadano Chines Guanxian MAI ta
esun cu pa colmo a fungi como esun cu a guia y orkesta e
atraco, caminda a buta un famia Chines drumi plat abou na
suela, incluso muchanan chikito, exigiendo placa, prenda y
tur otro sorto di propiedad di balor.
Lider di e gang criminal aki, manera tur cos ta mustra, ta
e homber Chines di 42 aña di edad cu yama Guanxian MAI,
kende a cera cabes cu algun yiu di Corsou hoben, esta
R. Valies di 20 aña di edad,
F. Florencia di 23 aña di edad y
A. Felipe di 24 aña di edad pa comete e actonan castigabel
menciona.
28
Dialuna, 17 October 2022
tabata pa descuido e balanan a sali for di e revolver, anto no
por ta cu ta 2 bala.
Tambe riba e tipo di revolver cu a keda uza por a saca e
conclusion cu debidamente Ostiana a sa con traha cu e arma
di candela. Pero principalmente e hecho cu e victima a saca
of hisa su man pa wanta e bala ta indica cu aki ta trata di un
atake y ningun incidente cu lo mester a tuma luga.
Pio ainda ta e declaracion cu e propio Ostiana a haci na
telefon, bisando cu el a caba di tira Niurca mata ta demostra
cu no por papia aki di defensa propio di parti di Kabibi, ni
ningun forsageo. Rapport di psikiatra y otro profesionalnan
ta indica cu Clifton Ostiana, alias Kabibi, ta un homber prob-
lematico, trabahoso, super jaloers, agresivo y violento,
siendo e señora ta un hende placentero y pacifico. Tur cu
conoci ta describi’e di tal forma. Mas aleu segun hues ta
conta tanto e asesinato cu deliberadamente a tuma luga
plus posesion di arma di candela.
E duo di fiscalnan señora mr. V. Girigoria-Hernandez y mr.
A. Tiggelaar na nomber di Ministerio Publico a demanda un
castigo di prizon di 14 aña, pero hues mr. Sigmar Carmelia
a haya cu un castigo di 15 aña ta mas na su luga ya cu tin
chens di ripiticion, mirando e forma di proceder di e acusado,
mas e hecho cu e asesinato aki ta uno cu a dal comunidad di
Corsou masha duro mes, e tabatin un impacto sumamente
cruel y drastico. E asesino Clifton Ostiana, alias Kabibi tin
un pasado cu husticia, el a yega di cay cera caba pa largo
tempo.
Abogado señora mr. Atena Sulvaran a pidi pa wanta cu
tratamento di e caso pa loke ta su cliente MAI ya cu e ke pa
scucha declaracionnan di un testigo di fam Pietersz prome.
Fiscal señora mr. S. Polderman a duna di conoce di no tin
ningun obhecion, di manera cu hues mr. van Vuure a bay
di acuerdo pa trata e caso di e aparenta ‘headman’ Chines
Guanxian Mai separa, esta dia 30 di november binidero pa
mita di 3 y no ayera mes.
E otro acusadonan a sigui den sala pa tratamento di nan
caso, cu nos lo bini ampliamente riba dje dialuna awor.
Hecho ta cu e trio di yiunan di Corsou atracado den sala di
corte ayera, a benta tur falta riba Guanxian Mai, bisando cu
nan tabata bou di influencia di droga, entre cua marihuana
y moli, anto tambe cu na momento di comete e atraco nan
tabatin gran necesidad di placa y cu ta e homber Chines
Guanxian Mai ta esun cu a duna instruccion pa bay na cas di
famia ZHENG pa tira e atraco arma. Enfin, keda pendiente pa
e edicion di dialuna awor, den cua nos lo bini ampliamente
bek riba e caso aki.