Page 18 - ttc jan 7,2016

cu merece atencion pa e bienestar general di nos pais, cu ta na final, esey ta loke e ta boga p’e. E
ta sigui bisa cu mester tin un respet pa bienestar general di e comunidad aki.

Diferencianan di opinion
Tin un crisis den e sentido di un diferencia di opinion hopi grandi cu tin entre su persona cu
gabinete na e momentonan aki. Por a scucha hopi den e dianan aki cu por ta un decision di
carnaval of un decision di permiso. Esey ta gewoon tip riba e iceberg cu tin, el a menciona. Tin
diferencianan di opinion cu semper naturalmente ta wordo bringa internamente. Ta discuti nan
paden como un bon ekipo. E tin un respet cu semper pa su partido y gabinete, pero dado
momento ora no ta haya oido mas paden, e ora cierto decisionnan tin cu wordo tuma. Ora ta
papia di bienestar general, pa loke ta maneho di husticia, pa loke ta trata siguridad den
comunidad, ora ta traha cu alma y curpa, 14 pa 16 ora pa tin un turismo na e nivel cu nos tin awe,
cu den tur rapport, den 6 aña di tempo no ta falta un rapport cu ta mustra cu e economia cu a bira
fuerte a base di e maneho aki, di henter e ekipo, di e mesun decisionnan cu e gobierno a tuma, cu
a logra tambe e bienestar aki, den e pilar economico aki y cu no ta haya oído riba e menasanan
mas grandi cu tin tambe, cu mescos cu el a bay halto, por bin bek abao.
E ora ey mester comunica esey mas halto, pa e atencion ey wordo brinda, mescos cu finanzas
publico, cu nos tur sa di discusionnan cu tin, decisionnn cu tin cu wordo tuma, decisionnan cu tin
cu wordo teni na dje, a base di compromisonan cu tin pa e acuerdo cu tin tambe cu Hulanda y
esakinan ta un paar di punto cu ta sinti cu cierto momento, ora ta forma parti di un team y no ta
haya atencion debido, tin cu recuri e ora na tuma decisionnan y manera a bisa, ta loke a wordo
participa na gobernador.
Oduber a entrega un carta caminda cu pa prome di maart, si no mira un cambio y mira
naturalmente na bienestar general di Aruba, un cambio pa loke ta trata e maneho specificamente
riba e dos terenonan aki. Pero tin mas preocupacion cu tin, por ehempel pa e sosten cu tin tambe
na coleganan den e caso aki sea di husticia, di enseñansa y finanzas, ta dificil e ora pa un persona
por continua naturalmente su labornan na momento cu no ta concorda mas cu e pensamento cu
tin di e resto di gabinete.
Minister Oduber a sigui splica cu combersacionnan cu e tabata tin cu gobernador, kende e ta
gradici, tabata basta profundo. A wordo traha fuertemente y espacio a wordo brinda tambe door
di partido AVP, door di gobierno na dje pa eherce e trabao cu el a eherce. El a haci’e cu un amor
enorme pa e comunidad aki. NO tin duda y gradici su famia na prome luga, su casa, mayornan,
yiunan, pa un momento cu un decision mester a wordo tuma.
Con cu mir’e, tin hopi hende tras di Oduber. Otmar ta keda, manera semper e tabata, prome cu
politica, durante politica y despues di politica, lo keda para firme banda di tur hende cu ta di bon
boluntad, cu ta traha pa e pais aki y cu ta bringa pa e pais aki. Otmar den of no den politica, ta
keda activo, mira bienestar di e pais aki bay dilanti.
No tin un peliger pa e gobierno actual, el a splica. Manera e tin di compronde a wordo bisa cu
tanto bal tey of no tey, esey ta e expresionnan cu ta wordo haci, cu ta keda pa esnan cu a haci’e.
No tin un peliger. Gobierno aki ta uno di 13 asiento. E tin su sosten den Parlamento. Aki ta trata
ora cu ta para pa principio, ta papia cu ta para pa e interes general, pa e siguridad general di
comunidad, cu ora ya caba no ta haya oído paden, e ora ta manda señalnan pafo, cu ohala ta logra
e meta. Na final un lider no ta nace lider. Un lider ta wordo crea door di su pueblo pa ta lider.
Manera ta wordo bisa hopi biaha, e hecho di ta lider no ta importante. E hecho di logra bo
metanan cu bo ta pone bo dilanti ta importante. Si e mensahe aki wordo manda na un forma
caminda cu por haya e atencion cu ta busca pe. E no ta atencion pa Oduber, e ta un inkietud cu