Page 19 - ttc jan 7,2016

tin pa loke ta criminalidad cu ta biba cerca tur hende na Aruba, e ta biba cerca tur gremio na
Aruba, e ta biba cerca tur sindicato na Aruba, e ta biba cerca tur asociacionnan cu ta existi cu ta
traha na Aruba. Ta momento pa pone nos mes pa nos para un rato y bisa cu otro proyectonan por
wanta un rato, ban pone atencion e ora na loke ta e prioridadnan. Esey ta e peticion cu tin awe.
E minister ta enfatisa cu dolornan ta wordo ventila tur dia, na trabao, na cas, na tur parti, pasobra
a base di ventila dolor, bo ta recupera naturalmente poder cu dios a dunabo pa sigui dilanti.
Ayera tabatin un conseho di minister caminda cu por a atende cu esakinan. Otmar ta un persona
cu nunca ta cera porta, nunca ta wak patras tampoco. Ta wak padilanti, pero no ta cera porta y
hendenan cu ta traha di bon boluntad pa nan pueblo, hendenan cu kier di curason, bienestar di
nan comunidad, semper ta laga espacionan habri pa por mehora, pa por drecha y sigur traha na
bentaha di e comunidad.
Tempo ta algo cu ora cu dun’e dimas, bo ta bay arepenti di dje y tin un trabao hopi fuerte a
wordo traha y a bisa na hopi ocasión y na ningun momento, purbando di mete den cartera di otro,
tur cartera ta di un hende, cu ta di pais Aruba y hunto mester por para pa e interes general y
bienestar general di e comunidad aki. Turismo ta nos pan cu keshi. Esey ta loke nos ta biba di
dje. E ta encera cu tur minister mester por traha hunto. E ta un mensahe pa tur colega, pero tambe
pa tur politico realisa. Segun Oduber, su posicion awe naturalmente ta un mensahe cu e trabao
duro ey cu Aruba a haci. No ta wega, pasobra no ta Oduber, ta henter un ekipo, ta oficina di
turismo, desaroyo di hotel, di gabinete den su totalidad cu a yuda dne e proceso. Seis aña a
sobrevivi un refineria cera, sin tin un disminucion den nos economia. Creciendo tur aña danki na
un turismo, danki na un economia creciente cu a produci, inversionnan cu a tuma luga,
construccionnan cu a tuma luga. P’esey na cierto momento, diferencianan personal cu por ta
existi, mester wordo laga un banda y logra un biaha mas e interes general di comunidad y esey ta
loke ta wordo spera cu por logra despues di awe.
Ta combersa pa hopi tempo ta discuti y ta pidi atencion y sa cu den hopi ocasion tambe, pasobra
no ta para eynan pa purba di degrada ningun hende, e atencion ey a wordo duna tambe door di
diferente colega, pero ta yega un momento cu bo ta sinti ora cu algo mester un diferencia na e
punto ey. Y e punto ey tey awe
E realidad ta cu e decision ta pa pueblo di Aruba. E minister, e figura politico ta bin ta bay, ta
hopi tabata tin y no tey pa semper y no tey pa ta un todopoderoso ni nada. Pero Aruba ta keda.
Oduber kier pa ora e retira for di politica, cu nunca di su bida su yiu of nietonan por reproch’e
algo y esey ta loke e ta para p’e, el a bisa por ultimo.