Page 21 - ttc jan 7,2016
P. 21
Prome Minister Eman lo reuni diahuebs cu
Minister Oduber
Posted on 01/6/2016 4:56 pm AST | Updated on 01/6/2016 7:10 pm AST
ORANJESTAD – Den curso di diahuebs Prome Minister, Mike Eman lo reuni cu colega
Minister Otmar Oduber riba e posibel retiro di Oduber. Asina e prome mandatario a
sigura prensa na Bestuurskantoor diaranson atardi. Durante su prome reaccion despues cu
Oduber a duna su coleganan un ultimatum, Eman tabata visiblemente cauteloso cu su
palabranan, pa no daña e ambiente prome cu nan combersacion. “Tin hopi emocion na e
momento aki riba varios tema cu mi mes lo combersa cu ne aworaki.”
HOPI EMOCION
E sentimento pa resolve e diferencianan, ta uno cu ta wordo sinti pa tur colega segun Eman a
bisa prensa. Riba e pregunta di NoticiaCla.com cu si e susesonan a gara e gabinete y su Prome
Minister Eman pa sorpresa, el a mustra cu for di diamars durante Conseho di Minister tabata
bisto cu tabatin sentimentonan di emocion. “Tabatin necesidad despues di loke a pasa ayera, pa
tin un combersacion cu m'a referi na dje, tuma lugar,” Eman a bisa. Y pa loke ta e dianan prome,
e mandatario den un forma di chiste, a bisa cu tur dia ta topa otro. “Tur dia nos tin temanan cu
nos tin cu kibra cabes ariba dje. Tambe ta importante pa cada minister sinti su mes satisfecho,”
Eman a bisa.
http://www.noticiacla.com/news/4780
