Page 53 - MIN VOS

AWEMainta Diaranson, 13 September 2017 23

PAGINA 22 Y 23

SIN duda algun pueblo ta respalda Partido
di Pueblo Arubano AVP. Cada invitacion y
yamada cu ta haci, maske ta den un tempo
cortico, ta haya un acogida masal for di e
ciudadanonan.
E ehempel mas reciente t’e Operacion
Victoria cu e partido berde a tene diasabra
ultimo. Faltando dos siman p’e dia grandi
di eleccion Parlamentario 2017, kier sigura
cu tur simpatizante di AVP tin e material di
apoyo cu nan tin mester y ta desea di tin.

Di e manera aki, hunto cu e lista di candida-
tonan, a tene actividad na diferente Cas di
Partido rond di Aruba. Na cada centro a yega
cantidad di hende pa bin busca bandera,
banderin, t-shirt y otro materialnan di nan
candidatonan preferi.
Na Cas di Partido principal na Playa tambe
a ricibi tur esnan buscando nan carchi di
miembrecia, como tambe esnan cu kier bira
miembro nobo.
A registra un interes grandi tambe pa ricibi
e Programa di Partido ‘Aruba Padilanti:
2017-2021’ pa cual partido AVP a laga traha
hard copy.

Pa tur esaki AVP ta yama nos comunidad
danki; Danki pa boso sosten continuo y pa
demostra cu boso ta cla pa deposita boso
confiansa un biaha mas den e ekipo di trabou
cu ta mas capacidad y dispuesto pa sigui hiba
Aruba dilanti.
Dia biaha kier extende un invitacion na
henter pueblo di Arua p’e siguiente activi-
dadnan grandi di Partido di Pueblo Arubano
ta organisa.

E prome lo ta diadomingo awor 17 di sep-
tember, e gran Parada Historico na caminda
pa victoria cu lo cubri Aruba di punta pa
punta. Sin laga afo e tradicional Parada
Luminoso cu cual AVP lo sera campaña
diaranzon 20 di september na Oranjestad.
Keda pendiente di mas detaye di ambos ya
cu nan lo bin den transcurso di siman.