Page 30 - MIN ARENDS

22 AWEMainta Diahuebs, 7 September 2017

Minister Benny Sevinger na apertura di brug na Spaans Lagoen MILES y miles di persona tabata presente

“Nos ta celebra diabierna anochi riba e brug nobo di Green
Corridor, den un celebracion organisa dor di
e constructor ODINSA p’e hecho cu e infra-
un era nobo den structura aki cu ta conecta pariba cu pabou
a keda cla.
“Nos t’aki pa celebra un era nobo pa Aruba,”
historia di Aruba” Minister di Infrastructra Benny Sevinger a
bisa den e parti oficial di e anochi.

E tabata un anochi yena di emocion cu un
proyecto asina importante pa desaroyo di
Aruba y p’e bida social di su hendenan a
keda finalisa. E brug, e mandatario a señala
na diferente ocasion den su discurso no ta un
simpel structura, pero cu tin efecto riba e ser
humano den diferente aspecto. “Awe nochi ta
un anochi pa nos celebra. Un anochi cu nos a
bin hunto pa algo historico.

Nos a bin hunto pa celebra un era nobo den
nos pais, un era nobo unda cu desaroyo posi-
tivo ta bay marca e pautanan pa futuro.
Awe nochi nos a bin hunto pa conecta Oran-
jestad cu San Nicolas un biaha mas,” e man-
datario a bisa n’e miles di persona presente
den e celebracion.

E mandatario a expresa su pensamento riba e
aspecto di trafico, cu e via di Green Corridor
aki por mehora e seguridad den trafico tambe.
Loke ta bay yuda inmensamento ta cu vehicu-
lonan no ta bay topa frontal cu otro mas.
Pero tambe el a recorda cu ta 30 aña pueblo
a warda p’e proyecto aki wordo realisa. Pesey
el a bisa: “Gobierno a priminti, y Gobierno a
cumpli.”
Ora ta papia di e proyecto di Green Corridor,
e ta bay mucho mas leu cu un brug, asfalt of
klinker. E ta un proyecto ta conecta dos parti
di e isla cu otro.

“E ta un proyecto cu ta trece calidad di bida
pa nos hendenan cu ta biba na San Nicolas.
Cada seconde, minuut, of ora extra cu nos
hendenan di San Nicolas haya extra, pasobra
nan a yega mas liher trabou, ta tempo cu nan
por dedica na nan famia. Esey ta calidad di
bida pa nos ciudadanonan.
Pesey e brug y e proyecto aki t’sina importante
pa nos pais.”
El a sigui menciona e desaroyo riba henter e
ruta di Green Corridor unda dilanti e casnan
a haya klinkers of asfalt cu ta contribui na
calidad bida di e ciudadanonan pariba di brug.

“Nan merece, nan tambe merece e desaroyo.
Pabien Aruba, Padilanti nos ta sigui. Cu Dios
mediante y cu ayudo di pueblo nos lo sigui
construi un mihor Aruba pa nos tur,” el ter-
mina bisando.