Page 46 - AVP

RdA A Sigura Cu Nan Ta Bon Equipa Pa Enfrenta

Cualkier Calamidad

 Local
- 11/02/2020

For di sr. Franklin Hoevertsz Jr., kende ta hurista na RdA, nos a recibi un comunicado di
prensa pa garantisa tur hende cu maske cu CITGO bay, RdA ta cla pa tuma over y pa tin
continuidad.

Pa kita cierto incertidumbre cu por tin pa locual t’e status di e refineria na San Nicolas, en
particular pa locual ta trata e negociacion cu tin andando entre Gobierno di Aruba, RdA y
CITGO, como tambe e efecto cu un traspaso di CITGO pa RdA lo por tin riba suministro
di producto petrolero pa cu Aruba, RdA lo kier comunica lo siguiente.

Partidonan ta den e ultimo fase di e negociacionnan pa suspende e contractnan cu CITGO
p’asina RdA tuma over e facilidadnan bek. Sinembargo, tanten cu e negociacionnan no
keda cla, RdA no tin autorisacion pa opera e facilidadnan y consecuentemente no por
asumi ningun rol pa cu mantencion di e equiponan cu ta rekeri esaki tampoco. CITGO
mientrastanto ta keda responsabel pa ful e facilidad te ora cu traspasa esaki bek na RdA.

Actualmente ta ricibi un promedio di un barco pa luna cu fuel pa Aruba, sea pa WEB of
pa mercado local. CITGO ta encarga cu desembarcacion di e productonan aki y ta
apropiadamente equipa pa cualkier incidente:

• Tin un refinery fire-chief den servicio y tur empleado riba shift tin certificacion di first
responder.

• Tur oil boom ubica den lama na shoreline ta funcional y ta wordo bishita durante e shift
su daily routine check. Cu ayudo di un vacuum truck tur zeta acumula ta wordo haci
limpi y acumula den un tanki.