Page 4 - HOH

14 LOCAL AWEMainta
Paralisa pa pensamento:
Dicon ‘overthinking’ ta agota nos
‘OVERTHINKING’ no ta nobo — e ta parti di ta humano. Pero awe, e ta mas
intenso y mas comun cu nunca. Sea ta ripiti combersacionnan den nos cabes,
cuestiona decisionnan, of obsesiona cu e peor scenarionan posibel, hopi
hende ta haya nan mes pega den ciclonan interminabel di pensamento. Den
temponan anterior, decisionnan enfoca riba sobrevivencia tabata mas inme-
diato y practico. Awe, nos hopi biaha ta abruma cu opcionnan, opinionnan,
y e presion pa haci tur cos perfectamente. Cu smartphones dunando nos
estimulo constante y medionan social ofreciendo un bista den bida “perfecto”
di tur otro hende, no ta di straña cu nos mente no ta sosega.
E peliger di overthinking y su consecuencianan
E problema cu overthinking ta cu e ta sinti manera nos ta haciendo algo util
— analisa, planifica, prepara. Pero den realidad, nos hopi biaha ta djis agot-
ando nos mes. En bes di resolve problema, nos ta crea esnan imaginario.
Overthinkers ta tende di ripiti loke nan a bisa, preocupa tocante con nan
a wordo percibi, of tarda decisionnan te ora e momento pasa. E no ta djis
malgasta tempo — e ta baha poco-poco nos confiansa, ta crea ansiedad, y
tin biaha hasta ta conduci na depresion. Ta manera carga un backpack yen di
“kico si” y “kisas” tur dia, sin nunca baha esaki.
Loke ta haci overthinking specialmente dañino ta cu e hopi biaha ta conduci
na inaccion. Ora bo ta pensa demasiado, bo tin miedo di haci e movecion
robes — anto bo no ta haci ningun movecion di ningun manera. E oportun-
idad perdi, combersacion no papia, of decision tarda ta añadi na e desorden
Diasabra, 21 Juni 2025
mental. E tambe ta alimenta un ciclo di remordi-
mento: bo no a actua pasobra bo tabata insigur,
pero awor bo ta sinti bo mas pio pa no a actua.
E ta un ciclo cu ta bira mas dificil pa scapa di
dje cu tempo. Hasta fisicamente, overthinking
cronico por conduci na mal soño, dolor di cabes
pa tension, y cansancio — prueba cu e no ta
biba djis den mente.
Con pa maneha overthinking: Pasonan prac-
tico y un mentalidad saludabel
Pues, kico nos por haci tocante esaki? Prome,
ta importante pa nota ora nos ta drenta den un
spiral. Practicanan di mindfulness — manera
hala rosea profundo, meditacion, of djis nombra
bo pensamentonan na bos halto — por interumpi
e ciclo. Skirbi den un diario ta otro herment
poderoso. Skirbi bo pensamentonan ta yuda
nan sali for di bo celebro y ta haci nan mas facil
pa examina. Establece fechanan limite pa deci-
sion tambe ta yuda: en bes di warda e contesta
“perfecto,” compromete na dicidi pa un ora
specifico. Y importante, limita bo consumo di
informacion. “Scrolling” constante of compara-
cion riba medionan social ta alimenta over-
thinking dor di haci nos sinti manera nos ta
keda atras of no ta haciendo suficiente.
Overthinking lo no disparce di anochi pa mainta,
y e no ta nifica cu bo ta kibra of debil. E ta
nifica cu bo ta preocupa, y bo celebro ta purba
proteha bo for di foutnan. Pero bida ta wordo
biba den movecion, no den ciclonan mental. E
clave ta siña pausa, reflexiona, y despues sigui
padilanti — imperfectamente, pero intenciona-
lmente. Den un mundo cu ta presiona nos pa
haci mas, sa mas, y bira mas, tin biaha e miho
cos cu nos por haci ta djis hala rosea, haci un
escogencia, y confia cu nos por maneha cual-
kier cos cu ta bin despues.