Page 35 - MIN JUS

UPP Ta Urgi Gobierno Pa Atende E Situacion Di

Pilotonan Local Cu Ta Sinti Cu Nan Ta Wordo

Descrimina Riba Propio Tera!

 Local
- 27/07/2017
December aña pasa UPP a pone atencion riba e hecho cu un grupo di trahador di InselAir
a lanta un caso den Corte contra e compania ya cu nan no tabata traspasa placa di
pensioen y tambe belasting pa mas cu dos aña.

Apesar cu e trahadornan tabata den nan derecho, Huez e tempo ey, basa riba “algemeen
belang” no a bay di acuerdo cu nan exigencia.

Esaki tambe despues cu a resulta cu Gobierno y SIAD lo a yega na un areglo pa InselAir
retene loke e mester a traspasa, p’asina evita cu e compania ta haye cu problema di
cashflow.

Despues tog e compania a bati bancarato na Aruba, cu e concecuencia cu trahadornan di
InselAir a keda riba caya y te dia di awe nada no a wordo regla pa nan.

E tempo ey, segun Booshi Wever, UPP a lansa varios pregunta dicon por ta posibel cu
Departamento di Impuesto no a actua na tempo of hustamente a yega na un areglo cu e
compania.

UPP a cuestiona tambe e rol di CEO di InselAir na Aruba, esta sr. Frederick Nuboer,
kende alabes ta Presidente a.i. di Controlaria General (ARA). Mientras como fiscalista na
Departamento di Impuesto un tempo, sr. Nuboer hustamente tabata hiba esnan cu no
cumpli cu pagonan di belasting padilanti y awor como CEO e mes a haci su mes culpabel
n’esaki. Pues aki tabata tin trato preferencial, pasobra nos tur sa cu e meneer aki ta un
AVP raha.

“Ora nos a kere cu ta InselAir so tabatin un trato preferencial cerca e Gobierno aki, nos ta
bin tin tende di ex-trahadornan di e compania aki, particularmente e pilotonan, cu parce
Aruba Airlines tambe ta haya trato preferencial.

Asina UPP a tuma nota den prensa, pa ser exacto den corant “AWEMainta”, cu pilotonan
local ta sinti cu nan ta wordo descrimina dor di tanto e compania local Aruba Airlines y
tambe dor di Gobierno. Y pakico?