Page 37 - MIN JUS

“Aki tambe nos por bisa cu e maneho di Ministro di Labor anterior, esta Otmar Oduber,
tabata cu Aruba Airlines no mester cumpli cu e rekisito cu mester emplea localnan prome
cu busca stanhero? Aki tambe tabatin e wega di “ontheffing di e toetsing” n’e mercado
laboral?

E mas tristo ta cu e mesun Minister aworaki, cu ta Minister di Finanza, encarga cu
asuntonan di belasting, tambe ta Minister di Labor, ya cu e Minister original ta na cas sin
cartera, pero cartera yen. Dicon no ta actua aki? Dicon SIAD tampoco no ta actua?”

UPP ta urgi na Gobierno, Minister di Finanza y Labor, sr. Angel Bermudez, pa cuminsa
actua. Nos no por permiti cu nos pilotonan local tin di bay busca nan porvenir den otro
pais, mientras cu otronan si ta gana e placa riba nos suela.

Pesey UPP ta kere firmemente den e derecho di encuesta pa tanto trahadornan,
sindicatonan y esnan afecta, na momento cu cosnan straño ta wordo haci den un
compania. Esaki lo mester ta parti di nos Codigo Civil mas pronto.

Ta pesey e compromiso cu UPP tin cu e pueblo ta cu tur e abusonan aki lo caba ora cu
exigi cu nos yiunan di tera ta bin na prome lugar y cu lo mara man di politico, p’asina ey
percura pa Un Mihor Mañan ta un y tur!