Page 41 - MIN VOS 29 OCT 2015

AZV satisfecho cu e cantidad di hende cu a renoba nan
zorgpas

Publication: Thursday, 29 October 2015. Categoria: General

ORANJESTAD(AAN): AZV ta satisfecho pa
loke ta e gran cantidad di asegurado cu a bin AZV pa renoba zorgpas. Si wak na e suma total, tin
43.789 asegurado cu for di Januari a pasa AZV y bin renoba zorgpas, segun vocero di AZV,
Solange Tchong.

E ta sigui splica ta cu loke tin e instancia un poco preocupa ta e parti cu ainda falta hende cu no a
renobara. E grupo cu no a renoba ta un cantidad di 13518 persona y esaki tin AZV su
preocupacion pa motibo cu tin solamente dos luna mas, esta November y December pa asina e
aña cera. Esaki kiermen cu tin exactamente dos luna pa percura pa tur e cantidad di 13518
personanan aki percura pa pasa AZV ainda y kico kiermen cu esaki.

AZV kier haci un apelacion pa e personanan pasa y renoba pasobra awor aki tin un serivcio cu ta
bay hopi lihe, Tchong a agrega. Tin balienan extra. Dus empleadonan extra cu a worde tuma y
entrena specificamente pa por duna e servicio na e clientenan y loke ta mas importante ta cu
mester corda cu una bes cu Januari 2016 habri, no ta bay tin e balienan extra aki.

Es decir cu AZV ta bay pasa e trabao di renobacion di zorgpas back den su servicionan regular y
esaki ta nifica pa e cliente cu si no haci uso di e oportunidad awor aki, na unda cu tin balienan
extra y empleadonan hasta cu a tuma pa por a haci e trabao aki, ta bay haya den situacion cu for
di Januari 2016 por bira druk na AZV pasobra como cliente cu por a renoba den 2015, no a
haci’e, ta bay back den proceso regular.

Esey kiermen cu ora cu yega na oficina di AZV lo mester drenta paden, tuma un number y warda
bo turno. Esey ta nifica tambe cu e wardamento kisas por bira un tiki mas hopi pa motibo cu ta
bay haya por ehempel cu clientenan cu ta bin inscribi baby pa prome biaha of clientenan cu ta
bin haci un peticion pa restitución y nan ta net bezig e momento ey cu nan tramite y kico esey ta
nifica, cu e servicio por bay lihe, pero abo por hayabo ta warda un poco mas.

http://www.diario.aw/2015/10/azv-satisfecho-cu-e-cantidad-di-hende-cu-a-renoba-nan-zorgpas/