Page 42 - MIN VOS 29 OCT 2015

Costo di implante di aparato di oido ta alrededor di 80 mil
Florin

Publication: Thursday, 29 October 2015. Categoria: General
AZV ta financia dos pa aña

ORANJESTAD (AAN): Mientras cu e proyecto
di implante di aparato di oido ta birando algun esencial y hopi importante pa tur esunnan cu
problema di oido, AZV na e momentonan aki solamente ta cubri costo di dos persona pa henter
un aña.
Esaki a keda confirma pa dr Steve Cabenda kende ta encarga cu e centro aki y mientras cu el a
papia cu ya caba e centro ta conta cu 31 cliente kendenan ya caba tin un implante.
Di e grupo aki varios ta procedente for di isla di Corsou caminda e pais ta cubri e gastonan aki
mientras cu e grupo di Aruba ta mas grandi cu ya a ricibi un aparato cu a yuda nan enormemente.
Ya caba pa 2016 e centro tin tres peticion aden pa un implante di cual uno ta un mucha y dos
hende grandi y segun e forma di procede di e centro, muchanan ta bin prome na remarca pa haya
un aparato prome cu hende grandi.
E hecho cu AZV ta cubri gastonan di dos implante segun dr Cabenda tin di haber cu e
presupuesto limita cu e tin pa cu e gasto aki pero apesar cu no tin un lista grandi di hende cu a
solicita pa haci e implante aki, ta spera cu e cantidad di tres lo bira mas grandi mirando e hecho
cu ta casi sigur, segun cifranan existente, cu un mucha lo nace otro aña sordo kende despues ta
bay rekeri un aparato pa e por scucha mientras cu e ta crece pa bira hende grandi.
Ta asuntonan cu den futuro lo sigui atende cu tanto AZV y otro instancianan pa mira con lo por
yuda pa crea mas posibilidad pa mas hende cu tin problema cu oido.
Pa loke ta costo di un intervencion asina pa un pashent, dr Cabenda a mustra cu costo di e
aparato ta alrededor di 70 mil Florin mientras cu tratamento cu ta necesario despues di e