Page 34 - AWM 7APRIL2018
P. 34
34 AWEMainta Diasabra, 7 April 2018
Mundo curioso
Artistanan di San Nicolas a traha mural
durante ultimo edicion di Experience San Nicolas
DIASABRA 31 di maart e evento di Experience San
Nicolas a tuma lugar.
Durante e Easter edicion a involucra e artistanan di
San Nicolas den e evento. Un grupo di artista hoben a
haya oportunidad pa pinta, bou di guia di Reginald de
Palm, un mural riba muraya di Wema na San Nicolas.
E artistanan hoben tabata Daniel Jones, David Jones
y Xakaii Antersijn.
Durante mas o menos un siman, e artistanan a traha
hunto riba e piesa artistico.
Reginald de Palm a bin cu un diseño cu e artistanan
hoben por a yuda finalisa.
Inspiracion pa cu e mural aki ta e ciudad di San Nico-
las mes. E edificio di Nicolas Store, un di e edificio-
nan mas reconoci na San Nicolas, ta forma parti di e
pintura.
Pa por a gradici Wema pa ofrece e artistanan hoben
un pida muraya pa e proyecto aki, e artistanan hoben
a pinta un chameleon, cu ta parti di e productonan di
Wema.
Team organisatorio di Experience San Nicolas ta in-
vita pueblo pa bin pasa admira e mural nobo aki riba
muraya di Wema den ciudad di San Nicolas.
Pa mas informacion por tuma contacto cu nos na
5847090.
Por email na: experiencesn@gmail.com of tambe sigui
nos riba Facebook.
