Page 10 - AM210109
P. 10
10 AWEMainta Diasabra, 9 Januari 2021
Basa riba un tip cu nan lo a ricibi
Polis a haci un control preventivo di sorpresa
pa arma di candela na Maria College
DIABIERNA den oranan di mainta por a nota cu
varios patruya di polis a bay Maria College y a pone
e alumnonan para den rij y tabata controlando nan.
Esaki tabata un accion sorpresa, pasobra ningun dia
e alumnonan a wordo poni na altura cu esaki lo tuma
lugar.
Esaki tabata despues cu nan a ricibi un tip. Durante
e control Polis no a haya niun alumno den posecion
di un arma, aparentemente Polis lo a haya un tip di
un shooting y pa preveni cu esaki tuma lugar, nan a
controla tur alumno n’e dicho scol.
Polis no ta descarta niun posibilidad y ta actua me-
sora p’asina preveni cu algo mas peor lo por sosode.
