Page 61 - AHATA

ORANJESTAD (AAN): Haime Croes, Director di DIP a laga sa cu aworaki tin un
moratorio pa locual ta watersports, esaki mirando cu tin un moratorio na Eagle Beach
pa loke ta trata hotel.

Tur cos nan tin cu evalua, pero na final di dia tin cu wak e bienestar general. Tin cu
sinta cu tur partner pa yega na otro.

Croes a agrega cu DIP ta habri pero semper den cuadro di kico ta posibel y kico no.

Dunamento di paraplu na e waterportnan ta basa riba un structura di si tin lugar, pero
DIP no ta bay pasa riba e parti di 10 meter pasobra esey ta un area cu mester ta liber
pa hende cana.

Tin mas hotel ta habriendo y ta bira mas druk ainda.

E ‘beach policy’ ta na vigor, pero tin cosnan nobo pa implementa. Tur esaki ta basa riba
loke DIP ta haya y tambe di diferente actor cu ta bisa DIP.

A indica cu DIP ta bezig cu diferente hotel caba. Antes tabata tin cierto palapanan y
lugarnan unda nan a pone F&B. Awor esey no mag. Ta bezig cu e hotelnan aki pa wak
si ta haya e ‘beach policy’ completo den un structura unda tur hende ta contento cune y

e ta husto.

Aworaki ta trahando ariba Eagle Beach, pero e idea ta pa rek e ‘beach policy’ pa henter
Aruba, bay te Baby Beach y Boca Grandi, Croes a señala.

https://www.diario.aw/2020/02/e-beach-policy-lo-wordo-implementa-den-tur-beach-na-aruba/