Page 66 - AHATA

E artista local Armando Goedgedrag a traha e simbolonan poni riba e borchi y un di e
simbolonan tambe ta bisa pa no duna e turtuganan cuminda. No solamente pa no mishi
cu nan, pero no duna nan cuminda.

Ora ta duna nan pan of otro sorto di cuminda nan ta biba menos largo. Algo hopi
importante tambe ta cu e yerba mester di e turtuga. Pasobra si e yerba no ta wordo
corta, e beach ta mira hopi sushi mes, Edith van der Wal a subraya. Tambe tin mester
di e yerba pa calco y piscanan chikito.

El a agrega cu e personanan cu ta comete e actonan aki mester haya boet. E problema
ta cu Polis ta hopi druk y no tin un polis specialmente pa e medio ambiente.

Van der Wal a bisa cu e polisnan ta dispuesto pa acudi y prome cu e borchi wordo poni
nan tabata bay hopi y e boluntarionan tabata duna informacion, pero casi mesora e
yamadanan tabata drenta atrobe. Pesey a pone e borchinan, a splica.

Ora un hende wak un turtuga mester lag’e keto. No mishi cune. Si un hende mira algo
nan tambe por yama Polis, Turtugaruba, cualkier momento of Directie Natuur en Milieu
(DNM) den oranan di oficina.

Tambe por mustra e hendenan e borchinan pa nan mes les’e, Van der Wal a remarca.

El a agrega cu ora un hende wak un turtuga nan mes por sinti ‘lucky’. Pero no mester
bay organiza un tour, por ehempel, pa bay wak turtuga. Sino e turtuganan ta bay. Nan

no ta bin bek mas.

E cantidad di hende semper ta e problema. Ora di wak un turtuga mester keda na un
distancia respetuoso y si ta wak cu e turtuga kier bay den lama, lag’e bay, a señala.

Esnan interesa den haya mas tocante e turtuganan y con pa cuida nan aki na Aruba por
bishita nan Turtugaruba Facebook Page.

https://www.diario.aw/2020/02/green-turtles-ta-den-peliger-na-baby-beach/