Page 65 - AHATA

ORANJESTAD (AAN): Edith van der Wal di
Fundacion Turtugaruba no ta nada contento. Esaki tin di haber cu e echo cu tin
personanan sin escrupulo cu ta sacando algun turtuga for di nan webo pa saca potret

cu nan y esey ta algo condenabel.

E turtuganan mester di trankilidad pero e hendenan aki ta bin mishi cu e webonan y e
turtuganan, a bisa.

Pa colmo tin dos borchi poni na Baby Beach cu ta splica bon cla kico mag haci y kico no.
Van der Wal a remarca cu nan ta espera cu tur hende por lesa y pa haci a laga diseña
simbolonan special cu sin lesa mes ta hopi cla kico ta e intencion.

E borchi aki a wordo poni na 2018 y a pesar di esey tabata tin hopi yamada cerca polis,
prome cu meldingnan cu tabata tin un turtuga na Baby Beach cu hende ta molestia.

Pesey mes Turtugaruba a laga pone e borchinan y a yuda hopi. Tin hende cu sa, pero
nan por bisa otro hende cu molestia e turtuganan ta prohibi. Tin un ley na Aruba cu ta
bisa cu turtuganan ta proteha.

E borchi aki solamente ta poni na Baby Beach. E turtuganan cu ta yega Baby Beach ta
yega durante henter aña. Hopi hende sa di e turtuganan na Eagle Beach, pero esaki ta
un temporada so.

Na Baby Beach tin turtuganan mas chikito cu ta e “Green Turtle” (cu ta e turtuga
blanco) y nan ta yega eynan pa come yerbanan cu ta crece den e boca na e beach mes.