Page 60 - KPA 19 NOV 2015

Mucha di 16 aña a planea atraco arma cu violencia riba
doño di bar na San Nicolas

Publication: Thursday, 19 November 2015. Categoria: Judicial

ORANJESTAD (AAN) – Un grupo di 7 hoben a presenta dilanti Hues pa duna cuenta pa e
delito cu nan a haci. E grupo aki ta J.A., D.R.(16), J.J., S.C., O.V.(17), A.G., J.vd L. Tur ta forma
parti di un gang na San Nicolas cu yama “Blood”.

Tur nan pia tabata geboei. S.C. tabata e unico cu no ta encarcela. E gang aki tabata terorisa San
Nicolas. Hopi hende victima di atraco arma y ladronicia. Tratamento di e caso aki a tuma lugar
diamars practicamente henter mainta y merdia.

Den e articulo aki, DIARIO ta bay concentra riba e grupo cu a haci atraco arma riba doño di un
bar na San Nicolas. Ta trata aki di J.A., D.R., J.J. y O.V., kendenan dia 26 di Maart 2015 a atraca
doño di un bar, na momento cu el a sera e bar pa bay cas. Loke a capta atencion ta cu esun mas
jong den nan esta D.R., ta esun cu a bin cu e plan pa bay atraca doño di e bar.

Ademas D.R. tabata esun cu tin un total di 10 acusacion contra dje, caminda ademas di serie di
atraco y ladronicia, tambe el a wordo haya varios biaha cu cantidadnan di marihuana, cocaina y
hasta un cuchiu. E grupo aki ta sinta bebe alcohol y usa droga y despues ta bay atraca of horta.

ATRACO ARMA RIBA DOÑO DI BAR

Hues a mustra cu segun e procesverbaal di Recherche, e homber J. d S. a haci denuncia na Polis
di atraco arma cu violencia, caminda un grupo di 4 hoben a bati’e, menace cu machete, kita su
cadena di 10 mil florin for di dje y tambe bay cu su cartera cu 5 mil florin.

E lamentable incidente aki a sosode dia 26 di Maart 2015 banda di 3’or di marduga, na momento
cu e doño a sera e bar. Hues a bisa cu e doño d S. a declara na Polis cu el a sera bar y bay cruza
caminda pa bay na su auto. El a mira un homber cu t shirt manga largo cu capuchon bin riba dje
pa dal’e. El a cuminsa core bay y a mira un otro homber bin yuda e otro guy. Nan dos a cuminsa
maltrat’e sin motibo. Na dado momento dos otro a bin yuda. Tur tabata bisti mesun cos. Un di
nan tabatin machete y pon’e na su garganta.

Hues a bisa cu d S. a bisa Recherche cu e momento ey el a pensa cu awor si el a muri. E mester a
keda keto drumi riba suela, mientras cu e otronan a hinca man den saco y coy cartera cu 5 mil
florin. Un otro a kita su cadena di oro cu cruz y un otro a coy su Blackberry.

Segun d S., e cadena tin balor di 10 mil florin. Ta asina cu el a bay hospital y medico di cas,
kende a traha un carta mustrando cu d S. a sufri sla na cabez.

Ta asina cu d S. mes a bay investiga y despues d S. a bolbe bay Polis y bisa cu un choller a bis’e
cu el a mira tur loke a sosode y a reconoce e atracadornan D.R. y O.V. Tambe d S. a bisa Polis