Page 61 - KPA 19 NOV 2015

cu el a tende cu ya S.C. a bende su cadena na lugar di cumpra joyas na San Nicolas y cu el a
haya bon placa pa esaki.

Polis a bay na e lugar di cumpra joyas y … bingo. A resulta cu e mesun 26 di Maart cu d S. a
wordo atraca, a bay bende e cadena.

UN A BASHA ABAO

Relaciona cu e investigacion a detene S.C. y despues e resto di e grupo. Hues a mustra cu J.A. na
dado momento a dicidi di papia. El a bisa cu e no ta corda e dia precies pero e tabata hunto cu
O.V., D.R. y J.J. a hacie. Nan tabata bebe na un bar y despues a bay sinta riba un banki y huma
marihuana.

For di investigacion ta sali na cla cu D.R.(16) ta esun cu a bin cu e plan y a bisa O.V. pa bay
promer y nan lo yud’e. Dicho, hecho. O.V. a bay riba e doño di e bar y busca problema. E doño a
cuminsa core y nan tur a atak’e. Segun J.A., nan tur tin machete pero no ta tur a saca machete.Ta
J.A. ta esun cu a saca machete y el a coy e cellular y O.V. a coy e cadena. Nan a core bay y reuni
riba un veld di basket caminda a reparti e placa cu a haya. Despues a duna S.C. e cadena y el a
bay bende e cadena y a haya 3900 florin. Segun J.A., di e placa aki el a haya 200 florin.

DROGA HAYA NA CAS DI MUCHA

Polis a bay detene D.R. y den camber na e cas a haya J.J. drumi y a bay cun’e tambe. Na cas den
un camber a haya un saco cu 561 gram di marihuana. D.R. a bisa Hues cu e marihuana ta bieu. El
a bisa cu e tabata benta abao. El a hasta bisa Hues cu si e marihuana tabata bon, e lo a hum’e
caba. A confisca diferente cos na e cas entre otro bate di baseball cu a wordo usa pa atraco riba
un supermercado di Chines.

ATRACO PA PAGA DEBE DI DROGA

D.R. a bisa cu el a planea e atraco. El a declara na Recherche cu den pasado e tabatin problema
cu e doño di e bar cu a reclam’e. Segun D.R., el a keda vigila d S. y desde cu el a mira d S. cu
cadena di oro, el a dicidi di atraca pa placa pa paga e 3 mil florin cu e debe di droga. El a bisa cu
nan 4 a usa moli y el a bisa nan di plan pa haci atraco. D.R. a bisa cu e tabatin 3 dia ta observa e
doño caba y tabata precies ki ora e ta sera. A planea cu O.V. ta bay promer y ora el a mira cu e
doño a cuminsa bringa, nan a bay yuda.

Tanto O.V. como J.J. a bisa Hues cu nan no a coy nada. Na e veld di basketball a bay y J.J. y
O.V. a conta e placa y a parti esaki entre nan. Nan a keda drumi na cas di D.R. Segun D.R. di e
placa cu a bende e cadena, el a haya 1000 florin. Segun e sospechosonan e cadena no tabatin un
cruz di Esmeralda manera e doño a bisa Recherche. Segun S.C., el a haya 350 florin for di D.R.
pa a bay bende e cadena di oro. Hues a puntr’e si e no a ripara cu e cadena tabata horta. El a bisa
cu e no tabata sa cu e cadena tabata horta. El a bisa cu e tabatin soño. Tur e otro sospechosonan a
cuminsa hari. Segun J.J. nan ta un grupo pero no un gang. Nan ta manera un famia cu ta cuida
otro. Nan ta usa hopi droga y bebe.