Page 62 - KPA 19 NOV 2015
P. 62
Hues a remarca cu ora a detene J.J. a haye cu un sakito di marihuana pero no tin ningun
investigacion haci pa determina si enberdad ta marihuana.
Hues a mustra O.V. su declaracion pero O.V. a bisa cu e no a declara asina y cu Recherche a
pone e declaracion na nan manera. Hues a mustra cu O.V. a firma e declaracion.
ATRACO OTRO HOMBER
Hues a mustra cu dia 15 Juni 2015, D.R. a haci un otro atraco cu violencia riba un homber. E
homber V. a denuncia atraco cu violencia riba dje na San Nicolas. Ta asina cu dia 24 di Juni
2015 haci denuncia pasobra el a keda hospitalisa. El a declara na Polis cu el a mira tres homber
bin den su direccion y sin ningun motibo nan a cuminsa maltrat’e. Ora el a cay, el a sinti su
lomba kraak y a sinti masha dolor.
El a grita di dolor y a bisa nan cu e no tin placa. Nan a coy su cellular y el a saca cartera for di
saco y duna nan. El a cana cu hopi dolor yega un bar y pidi pa ambulance. Te cu awor e ta cana
cu garoti pasobra a scheur musculo na lomba. Hues a mustra cu tin carta di dokter cu ta mustra
cu a sufri diferente slanan. Ta asina cu Recherche a haya D.R. cu e cellular y a debolbe V. su
cellular.
D.R. a admiti di a atraca V. cu a sosode banda di Dragon Video na San Nicolas. El a bisa cu nan
tabata droga y ora e homber a pasa, spontaneo el a atraca e homber. El a bisa cu tabata su so. El a
bisa cu ora e ta bou influencia di droga, e no sa kico e ta haci.
EXIGENCIA DI FISCAL
Fiscal a condena totalmente tur loke e grupo aki a bin ta haciendo. Ta asina cu D.R. so tin 10
acusacion contra dje y ta parce cu esun mas chikito ta esun mas activo.
E grupo aki ta responsabel pa un serie di otro ladronicia y atraco. Teniendo cuenta cu nan edad y
aplicando e ley di hubentud ya cu D.R. tin 16 aña, Fiscal a exigi 2 aña di prison pa cada un. Pa
S.C. cu solamente a bay bende e candela, Fiscal a exigi 10 dia di prison, cual ta loke e tabata
sera.
Hues, despues di a scucha e defensa di e abogadonan a bisa cu e ta bay studia e caso y dia 4 di
December 2015, lo tin sentencia. Un dia promer cu dia di regalo di Sinterklaas, e grupo aki ta
haya nan castigo di Corte.
http://www.diario.aw/2015/11/mucha-di-16-ana-a-planea-atraco-arma-cu-violencia-riba-dono-di-bar-
na-san-nicolas/
