Page 28 - MIN ARENDS_Neat

Bureau Innovatie a tene sesion di Coffee Bytes riba e-
commerce

Wednesday, 03 May 2017 19:48
Comparti

Siman pasa Bureau Innovatie (BI) a tene un sesion di Coffee Bytes cu a dura dos ora unda diferente
topico den sociedad di Aruba a wordo atendi cu expertonan riba nan tereno pa discuti
y presenta nan conocimento cu hendenan interesa. E expertonan a atende e sesion aki riba invitacion di
Bureau Innovatie.
Pa e sesion aki BI a invita sr. Atwell Aniceta – un representante di CX PAY, kende a bin y comparti su
experiencia cu CX PAY y e-commerce na Aruba en general. E evento tabata exitoso y cu atendencia total.
E invitacion di BI a indica cu e stulnn ta limita y cu mester RSVP na ora, loke a sosede masha lihe tambe.
Den un mundo cambiando y actitud di clientenan cambiando hunto cu ne BI a dicidi cu a bira tempo pa
invita comerciantenan pa tende kico CX PAY tin di ofrece ora ta papia di e-commerce y a enfoca riba e
echo cu tin solucionnan na Aruba pa cana pareu cu e cambionan.
Durante e evento aki, comerciante, bankero y departamento di Asuntonan Economico a bini hunto pa
dialoga riba nan preocupacion, idea y vision riba loke ta necesario pa establece un e-commerce cu ta safe.
CX PAY ta comprometi pa duna un man na e industria cu e obhetivo final di maximalisa benta di un
manera facil y efectivo creando un medio ambiente sigur y protegi contra frauda usando e nivelnan mas
halto di infrastructura di transaccion cu ta obtenibel pa nan clientenan cu un simpel ‘experiencia local di
compras.’
Loke a resalta ta e posibilidad pa finalmente ricibi placa localmente riba bo cuenta den apenas algun dia
y na un costo abou. Representantenan di CMB/MCB tambe tabata presente, mustrando nan apoyo
continuo na apertura di mercado pa esnan cu mester y como un socio stabil di CX PAY. BI ta spera cu
otro banconan tambe participa na e proyecto aki. Asina CX PAY ta presenta un socio local cu ta
compronde e mercado, lenguahe ademas di e suministro y demanda di e cliente y e comerciante.
En general, tabata un sesion hopi informativo cu diferente dinamica y e comerciantenan como punto
central den nan boluntad pa avansa y bira innovativo mientras ta haya e hermentnan corecto pa alcansa
esey. Sr. Aniceta ta dispuesto na cualkier momento di dia pa un consulta personal sin compromiso y na
bo conveniencia pa splica con y pakico CX PAY ta e siguiente paso logico pa bo negoshi alcansa e
siguiente nivel y diversifica.
Bo a perde e sesion aki? Bo kier haya mas informacion? Of bo ta desea di registra pa haya notificacion di
BI su proximo eventonan? Bishita e website www.bi.aw of bo por sigui BI riba Facebook pa keda na
altura: www.facebook.com/BureauInnovation pa nan actividadnan.

http://www.24ora.com/index.php?option=com_content&view=article&id=121430:bureau-innovatie-a-
tene-sesion-di-coffee-bytes-riba-e-commerce-&catid=1:local&Itemid=5