Page 13 - bon-dia-aruba-20210802

a13
riba caya Dialuna 2 augustus 2021
Accidente fuerte riba WVB Chauffeur deteni pa causa varios

Hato destruccion yegando rotonde Tarabana

Diasabra den careda di 10:30 anochi riba WVB di Bushiri pa
Hato net riba e viaduct ta sosode un accidente fuerte momen-
to cu chauffeur di un Toyota Aristo a perde control dal den e
muraya cu tin meimei di e caminda por poco bolter debi cu e
tire dilanti a pasa full riba e muraya y cay bek riba caminda y
e auto a bay para algun palo di luz basta leu. E chauffeur a re-
sulta levemente herida. E auto mes a keda totallos. Polis a cera
e caminda di biaha evita autonan pasa y unidad di ambulance
a presenta pa atende cu e persona herida.

Diasabra marduga yegando
rotonde di Tarabana chauf-
feur den un swift a perde
control ranca palo di luz, dal
den e casita unda personanan
ta warda bus pa despues dal
un cura di cas. Tabatin palo
di luz y wayanan di coriente
benta riba caminda. Polis a
presenta di biaha pa atende
cu e situacion y a cera e ca-
minda evita autonan yega
cerca. A constata cu e chauf-
feur ta bou influencia y a keda
deteni hiba warda. A notifica
elmar di e caso pa presenta
y mira e situacion, te ora cu
tur cos a keda kita for di riba
caminda a habri esaki pa au-
tonan por sigui pasa.

Algun hoben a agredi un persona

banda di pueblito paisa

Diadomingo ultimo den oranan di marduga dilanti di puebli-
to paisa na San Nicolas algun hoben a agredi un adicto am-
bulante conoce pa e polisnan. Na yegada di e patruya a bin
topa cu e persona herida debi na e golpinan cu el a haya y
ambulance a presenta unda paramedico a atende cu e victima.
Segun un testigo e agresornan a core bay direccion ariba na
pia. Polis a tuma dato y a tira un control den e area.

Auto a bolter na Bushiri

Diadomingo pasa di 12’or di marduga riba caminda di Bushiri
net dilanti di fanastic garden chauffeur di un Hyundai i1-10
a perde control den e birada y a perde control bolter y dal
den un palo di luz. E chauffeur masculino a sali for di e auto
cu su propio forsa y a resulta leve herida. Polisnan a presenta
di biaha na e sitio y a cera parti di e caminda. Ambulance a
presenta rato despues pa atende cu e victima, roadservice a
presenta pa atende cu e accidente.