Page 11 - bon-dia-aruba-20210802

a11
riba caya Dialuna 2 augustus 2021

Accidente fatal na Catiri Accidente semi frontal cu persona herida

banda di la granja

Diadomingo den careda di
3:45 marduga riba e caminda
di Van Leeuwenhoekstraat
banda di La Granja cu e cas
di cuido a sosode un acci-
dente basta fuerte unda un
Tercel a dal basta duro den
un pickup. E impacto a laga
un hende herida den e Tercel
unda polis presente a solici-
ta pa ambulance presenta y
atende cu e herido. Caminda
tabata muha cu tambe tabata
un causa di e accidente.

Diadomingo pasa di 3’or di marduga autoridad ta
keda informa cu riba e caminda di Catiri pa Moko
ta sosode un accidente pisa y tin persona pega den
auto. Polis ta yega di biaha y topa cu dos persona
den un Yaris color cora no ta reaccionando.

Ambulance a presenta di biaha y paramedico a constata
cu mucho mas no por haci debi na e impacto y con e per-
sonanan a keda den e auto y a notifica dokter pa constata
morto di e dos persona den e auto, cu ta tanto un hende
homber y un hende muhe. Brandweer tambe tabata pre-
sente pero a keda riba un distancia pa manera cu e dokter
Texier constata morto y e trabounan di polis forensico
termina pa nan corta e auto y saca e curpanan sin bida
for di e auto. Un situacion sigur tristo con e accidente
aki a pasa, unda e chauffeur biniendo for di zuid direc-
cion nort pa Moko a baha caminda y asina perde control
completamente cu e auto y bay dal di flush den e cura
di cas basta duro. Specialista di trafico tabatin un trabou
grandi na e sitio pa luza riba caminda y asina a constata
di marca di tire riba caminda a haya sa con e accidente
aki a tuma luga.

Pa 4.51 am Dr. Texier ta constata morto di ambos per-
sona e hende homber
G.E. Ledezma Carruyo naci na Venezuela 26 november
1985 y e hende muhe I. Goicochea Angulo naci na Cuba
5 mei 2001.Specialista di trafico y polis tecnico a yega na
e sitio pa haci nan investigacion. Slachtofferhulp tambe
a acudi na e sitio pa brinda sosten na e famianan cu ta in-
volucra den e accidente pisa aki. Cuerpo Policial Aruba
ta manda palabra di profundo condolencia na famia di e
fayecido. Un mensahe na tur chauffeur pa bay trankilo
den trafico. Bo famia ta warda bo na cas.