Page 6 - AM210915.

6 AWEMainta .com Diaranson, 15 September 2021
Cambio den Partnership Croes Wever Ruiz

Desde 1967 a transcuri casi 55 aña cu Hendrik
S. Croes ta eherciendo e profesion di abogado y

mirando su edad cu ta avansando, el a habri dialogo
cu su socionan desde comienso di 2021 y a participa

na nan cu e ta desea di sali di e practica di tur dia den e

trabao y cu e kier pasa e timon di oficina over p’esnan
cu a crece hunto cun e den e tradicion cu el a cuminsa

na mei di 1970, despues di su tres añanan di stage.

Den transcurso di e añanan aki el a sali di abogacia

pa eherce diferente funcion na Antias Hulandes
como Minister di Educacion y Structura Estatal

(1973-1975), di Husticia y Structura Estatal (1979-

1981), di Preparacion di Status Aparte di Aruba,
Salubridad y Vice Prome Minister (1984 -1985);

y na Aruba Minister di Husticia y Deporte (1989

-1993).

Tambe el a sirbi su pais den Comision di Shete
(Biesheuvel) y Comision Banden met Brussel (Van

Beuge).

Hunto cu CROES WEVER RUIZ a ser prepara un
programa di traspaso ordena pa informa e network

di clientenan debidamente.

CROES WEVER RUIZ ta desea su fundador, kende ta

yama su mes un activista den e profesion legal, un
periodo trankilo y mereci p’e traha riba su memoires

y dedica na su hobbynan di jardineria y tennis.

Ady Thijsen a dicidi di reconsidera y lo drenta Parlamento

Awe Parlamento tin cu aproba e cartanan credencial

di miembronan nobo di Parlamento, ya cu algun
Parlamentario ta bira Minister. Tur hende tabata
pendiente di Ady Thijsen, kende tabata digusta,
pasobra e no a haya e funcion cu el a desea. E.o. e

kier a bira Minister den Gabinete Wever-Croes II of
bira Minister Plenipotenciario na Den Haag pa di e
forma aki, corona su carera politico, pero e no a haya
confianza di formador.

Ady Thijsen a dicidi di drenta Parlamento, despues
di tabata Presidente di Parlamento. No ta conoci si
Thijsen lo bira lider di fraccion di MEP. Tempo lo bisa.