Page 132 - KPA - APRIL 7 , 2015

Tiro a cay durante persecucion tras di sospechosonan cu
kier horta den bario di Palm Beach

 Apr 7th, 2015
 Policial, splash

Habitantenan di Palm Beach pa algun tempo caba ta basta atento pa cualkier movecionnan straño
den e bario. Ya cu constantemente tin ladronnan ta kibra drenta den cas di hende pa horta y asta
miedo e habitantenan tin pa laga nan hogar ya cu no sa si lo haya nan pertenencianan paden.
Diamars marduga tabata e caso caminda habitantenan a mira movecion straño den e bario unda
dos persona na preto lo a drenta cura di cas di un habitante posibelmente pa horta. Autoridad ta
yega di biaha na e sitio y ta listra e cas pero no a topa cu nada, Polisnan controlando den
bisindario dos persona na scur a cuminsa core pa Polis. Den area di mondi Polis a tuma nota di
dos persona na preto a cuminsa core pa nan di cual un di e personanan lo a haci movecion straño
y Polis no a confia esaki den e scuridad di cual un tiro di aviso a cay. E dos sospechosonan a core
bay direccion di area di Hotel, mientras resfuerso Policial tabata na caminda. Varios unidad
Policial a tene un control den area di Hotel pa busca e dos sospechosonan pero no a logra haya
nada. Mientras cu habitantenan di Palm Beach ta confirma e dos personanan na preto actuando
straño den e bisindario.