Page 127 - KPA - APRIL 7 , 2015

Polis Andre Solagnier a muri den accidente cu brommer na
Paradera

Publication: Tuesday, 7 April 2015. Categoria: Policial

ORANJESTAD (AAN): Cuerpo Policial ta di luto. Nan colega cu ta traha den central di polis
cu ta e meld kamer 100 a fayece tragicamente. Dialuna marduga prome cu 1or e caso a sosode. E
tabata biniendo direccion pabou riba e caminda di Paradera direccion Sero Patrishi.
Tur cos a indica cu el a desvia pa algo y perde control riba su Harley Davidson y bay dal masha
duro mes den un cura. El a lastra na prome instante. Na yegada di e prome unidad di polis a pidi
presencia di ambulance cu urgencia. E colega no tabata reacciona. A cera henter e area pa asina
cuminsa un investigacion.
Andre Solagnier tin sigur 20 aña trahando como polis. El a traha riba caya y pa algun aña ta
trahando awor aki den Central di Polis. Dr Samuels a constata morto. Pas na su restonan y forza
na su famia y coleganan di cuerpo policial.

HOPI EMOCION
Esnan cu a lanta cune den Cuerpo Policial conoce como un tremendo colega. Den Cuerpo
Policial tur colega conoce den diferente forma. Un cos ta sigur. Su stem nan ta scuche casi tur dia
pasobra Andre Solagnier ta e polis cu ta manda e prome informe pa e patruyanan cu mester bay
atende un asistencia.